MATHIU 11:11 - SHEEYU BAIBEL (BSI)

¹¹ Enou neletao hi cheche vuzünou paowe, naotumainou nakouyu maikhemai hrohisü Johan Baptist jünou dukouyu maili-a pakhaimohie. Ana raki Vedei hinou taikayu puhnou Johan jünou duhie.

MATHIU 11:11 Iomraidhean Croise

JOB VEI LARÜBVÜ 14:1

Naotumai hinou naveyu Emai hrü hai teile jütoua baie, alia veahoyu tyatyalih nou phoutao-a baie.

JOB VEI LARÜBVÜ 14:4

Sheemoyu Emai hinou thaonou kabüa sheeyu nasü pove lousüe?

JOB VEI LARÜBVÜ 15:14

Deiphao mai talina cheche vuzünou sheelou süwu? Mai talina Ramai nghoujünou cheche lousüwu?

JOB VEI LARÜBVÜ 25:4

Mai talinoua Ramai nghoujü sheesha tea cheche-a bulou süwu?

LOUTAO 51:5

E hai mah ae ashi nasü soua nou nakou peia baie; ae apfü pou hinou Esü mahmo soua hrükou baie.

ISAIAH 30:26

Mapao nou puhvei maitaoye souveaho peiyu hinou zhilouyu zhimü khesü, puhnou souveih peiyu teithe zhousü khouh hai teinghi büa valai, ae teinghi va hai chujünou vu anai vapulai, teithe anai vakouyu büa va veih sholai.

ZEKHARIAH 12:8

Süzhou teithe Mapao nou Jerusalem hi buyu lülouho kanaye panou David büa khouko bulai, alia David kihikhamai ye sü panou Ramai bülai, Mapao vei rakivamai bülai.

MATHIU 11:10

Daiolouzü Johan hai sheeyu larübvü hinou: ‘Zhukhaio, Enou Akopaomainaye sü neye donou ludu souda peiloure ne jünou rai-a seive peilai’ tea paokhai touyu mainasüe.

MATHIU 11:12

Johan Baptist nou ko paodou tayu hinou shua chu koute sü raki Vedeiye chihshoa souvea peiyu sü daore, alia khushoyu maitao nou süsü poloure donou tea bue.

MATHIU 3:1

Süphakisü Johan Baptist nou Judea rekouhi velouloua ko paodoushu tare.

MATHIU 3:11

Neletao le daloure touyu pongaore donou Enou neletaoye dzünou dzükhao dapeie, ana Athainou vere puhwo neletaoye Rako Mashinou ea meinou dzükhao dapeilai. Puhwo Ajünou dukou shohie; alia Ewo puh phikha potayu koutea khamoe.

MATHIU 5:19

Südonou maita linou chikhatao hrohinou taikayu ali zümo louzü ea mai kukhehi-a sübüa doupei louzü, puhye sü raki Vedei hinou taikhana tea kulai. Ana maitalinou razhai nasü züloua sübüa souloure donou kukhehi-a doupei louzü puhye sü raki Vedei hinou aduna tea kulai.

LUK NOU RÜYU KO AVEIBVÜ 1:15

daiolouzü puhsü Mapaowo nghojü hinou dulai. Puh sü darkha zhaoh-a moa kukhe zhaoh talia külaimoe, alia puhsü nakourai hinou Rako Mashinou phoulai.

LUK NOU RÜYU KO AVEIBVÜ 7:28

Enou neletao hi paowe, ‘Naotumainou hrükoukhai touyu maikhe maitao hrohinou maitalia Johan jünou dumoe; ana Ramai Vedei hinou tai-nou kayu puhnou Johan jünou duhie.’ ”

LUK NOU RÜYU KO AVEIBVÜ 9:48

alia puletao hi paoe, “Maitalinou nahmai hainaye Azhih hinou popei louzü, Eye popeiwe, alia Eye popeiyu maitalinou Eye seive peiyu puhye popeiwe; daiolouzü neletao hrülai hrohinou tai-noukayu puhnou dukayu nasüe.”

JOHAN 1:15

Johan nou puh vanou zhopaoh soua sha-a paoe, “ ‘Athainou veyu puhnou Ajünou duhie, daiolouzü puh hai Ajünou raia bue,’ tea Enou paoyu mai nasü hainare.”

JOHAN 1:27

Puh hai Athainou laie, ana Ewo puh phikharai pheipayu koutea khamoe.”

JOHAN 10:41

Alia mai alaosou puh hi tave loure ea puletao nou paoe, “Johan nou shee alia soumoe, ana Johan nou mai haina vanou paoyu teitei sü chekhaoe.”

JOHAN 3:30

Puhwo dupu vuzülai ana Ewo khaikou vuzülai.”

JOHAN 5:35

Johan hai meitao-a ea va-a buyu meibvüe, alia neletao nou puh vei ava hinou pha jütou sa-a buyu züpae.

JOHAN 7:39

Hainahai Jisu nou puhye loucheyu maitao nou ngaolaiyu Rako vanou paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

1 KORINTHMAI 15:9

Daiolouzü Ehai sei-atamai tea kuzü moyu, sei-atamaitao hrülai hronou tai-noukayu nasüe, daiolouzü Enou Ramai vei lüloumai meye souveapeie.

1 KORINTHMAI 6:4

Sükuyu thaisü, haibüyu chi panou kure donou daidonou neletao nou lüloumaime hi zhih hayu mai hi tawe?

EPHESAMAI 2:3

Chechenou Eletao hrülai-a puletao bübaie ea lah Eletao pfüphao ea tsünou züpayu tali soua Eletao vasou züpa thaifü-a hrüe. Alia südonou Eletao sü zhai thaifüa deiphaomai kukhe büa Ramai rarou lekhavei nahmaitao baire.

EPHESAMAI 3:8

Sheeyu maitao hrülai jünou Esü tainoukakhai-a Khrista vei paoshalou hoyu kinina vanou tahrüh kukhe maitaohi paodou peire donou zhuvea hainasü Ahi peikhaitoue,

2 TIMOTHI 1:10

alia chuo süsü Eletaoye khailu-apeio Khrista Jisu nou veyu vanou Eletao hi pongao peire. Puhnou athaivei khouko nasü souhare ea Ko Aveina vanou teisa ahri nasü pongao peire.

EBRIAMAI 11:40

daiolouzü Ramai nou Eletaoye donou veikou shoyu kukheli khai khaitoue, süolouzü Eletaoye kozho-a laiyu sülikhei hinou puletaoye sou lichepei bailai.

1 PITAR 1:10

Khailu peiyu haina vanou rachi paolamaitao nou soutaosoua phoua zhue ea puletao nou Ramai nou neletao hi peilaiyu zhuvea haina vanou rai-a paopa peire.

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.