MATHIU 10:42 - SHEEYU BAIBEL (BSI)

⁴² Alia maitalinou Arozümaitao hronou tainou kayu aliye dzükao paili koute peilouzü, puh hai Arozümailiyu donou, chechevuzü Enou neletao hi paowe, puh buusü hatakia hakhai laimoe.”

MATHIU 10:42 Iomraidhean Croise

1 VEMAITO 17:11

Ae honapai nou dzü popeilai tea tayu phaki, puhnou haibüa paopue, “Zhuvea nou Eye touso daotulia ne bah hinou popa peio.”

2 VEMAITO 4:10

Ahai nou kide ali hai kipei hinou soupaloua zü, taibel, buh ae meivabvü thoukhai peiwua puhnou hai hi veyu chüsü panou chaolou laikhe.”

TSÜCHITAO 19:17

Touhayu maiye zhuvea poupaoh peiyu hai Mapao hi poupaoh peiyu raibüa baie, Mapao nou puhye sü peidakhai-a bailai.

TSÜCHITAO 24:14

Ratsü hai nevei hrü donou sübütoue; nenou süsü ngaolouyu thaisü haithai donou ne hi areih sü bue, ae nevei areih sünasü soudewu laimoe.

KOPAODOUWO 11:1

Nevei raokhao sü dzühi laithouwuo, daiolouzü nenou teithe taoli thai ngaoda khailou bailai.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 18:10

“Neletao nou taikayu haitao aliye ngaophou moyu soumore donou zhutoulouo; daiolouzü Enou neletao hi paowe süolouzü rakinou puletao vei rakivamai taonou rakibu Apuo zhusü teisanou zhua bue.

MATHIU 18:14

Sübütoua taikayu haitao hrohinou ali hayuhai rakibu neletao Puo vei leli moe.

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

LUK NOU RÜYU KO AVEIBVÜ 17:2

Puhnou tai-noukayu haitao hrohinou aliye mah hi southou peiyu jüwo mai süna donou puhvei nguhi dushoyu thouveiyu chuhpa alinou phumutei loua zaihi polai thouyu sünanou puhye donou veikou hie.

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

2 KORINTHMAI 8:12

Neletao nou peinüsho louzü, neletao vei sapeina nasü, neletao vei hayu thaifümoa, buyu thaifüa Ramai nou popeilai.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.