MATHIU 10:40 - SHEEYU BAIBEL (BSI)

⁴⁰ “Neletaoye shepeiyu maitalinou Eye shepeiwe; alia Eye shepeiyu maitalinou Eye seiveyu puhye shepeiwe.

MATHIU 10:40 Iomraidhean Croise

1 VEMAITO 18:4

ae Jezebel nou Mapao vei rachipaolayu maitaoye southayu phaki, Obadiah nou rachipaolayu mai kaihli hai saloua me ahai souloua, me ali hinou mai raingou raingou hai lyaqulu hinou poku khaipeie, ae puhnou puletaoye touso ae dzü hai peie.)

JEREMIAH 39:17

Ana Mapao Enou neye vupa peilai, ae neye nenou ngaopiyu maitao bah hi thoupeilai moe.

MATHIU 18:5

Alia haibüyu nahtou aliye Azhih hinou sasa-a popeiyu maita linou Eye sasa-a popeiwe.

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MATHIU 25:45

Sükisü puhnou puletao hi chila peilai, ‘Chechenou Enou neletao hi paoe, neletao nou tai-noukayu haitao hinou alihi-a soukhapei moyu donou Eye soukhapei moe.’

MARK 9:37

“Maitalinou haibüyu nahmai aliye Azhih hinou popei louzü, Eye popeiwe; alia Eye popeiyu maitalinou Eye popeimoe ana Eye seive peiyu puhye popeiwe.”

LUK NOU RÜYU KO AVEIBVÜ 10:16

Jisu nou puh rozümai taohi paoe, “Neletao chi keiyu puh sü Achi keiwe, alia neletaoye motouyu puhsü Eye motouwe.”

LUK NOU RÜYU KO AVEIBVÜ 9:48

alia puletao hi paoe, “Maitalinou nahmai hainaye Azhih hinou popei louzü, Eye popeiwe, alia Eye popeiyu maitalinou Eye seive peiyu puhye popeiwe; daiolouzü neletao hrülai hrohinou tai-noukayu puhnou dukayu nasüe.”

JOHAN 13:20

Cheche vuzünou Enou neletao hi paoe, Enou seitayu mai sünaye popeiyu puhnou Eye popeiwe; alia Eye popeiyu puhnou Eye seive peiyu puhye popeiwe.”

JOHAN 20:21

Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

2 KORINTHMAI 5:20

Südonou Ehsü Khristaye donou sühseita maitaoe. Eh vanou Ramai nou neletao hi khoa bue. Khrista süh soua Ehnou nele hinou khowe, Ramaiye cha veilo!

GALATIAMAI 4:14

Ana Apfüphao vei kao-zhoushi nanou neletaoye donou zhai zhuyu ali soukhaia, neletao nou Eye ngaorayu moa motouyu soumoe, ana neletao nou Eye sü Ramai vei rakivamai ali kua moa Khrista Jisu puhye shepeire büa sasa-a shepeie.

1 THESSALONIMAI 4:8

Südonou doupeiyu hainaye ngaophou moyu maita linou emaiye moa neletaoye puhvei Rako Mashi peiyu Ramai puhye ngaophoumoe.

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.