MATHIU 10:26 - SHEEYU BAIBEL (BSI)

²⁶ “Südonou puletaoye piso; daiolouzü popangaolai moyu hokhaikhai touyu halia hae, moa kukhaitoua sülai moyu alia hae.

MATHIU 10:26 Iomraidhean Croise

TSÜCHITAO 10:9

Chilee-a tayu mailisü kaozhou veia tawe, ana tsüle sheemoa kaomoyu ludu hi tayu mai louzü phoupaloua bailai.

TSÜCHITAO 28:1

Mai nou thaihu moyuma mai ashi maiwo tuta-a baiwe, ana achechemai louzü kipeikhaoduo büa khuveie.

TSÜCHITAO 29:25

Maiye piyu haio rüh hi lou-a baiwe, ana Mapao ye louche-a bulouzü zhouvei-a bailai.

KOPAODOUWO 12:14

Daiolouzü Ramai nou haso teitei hai chikuyu hisü pothoulai, khei-a nou soukhai tiyu vah pfüphou nou, veiyuma shiyuma chikuyu hisü popa thouvu zülai.

ISAIAH 41:10

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

ISAIAH 41:14

Mapao nou paoe, “Shikhaotu büa lülohoa buyu Israel maitao, ngaopiso, Enou neletaoye soukha peilai. E hai neletaoye khailupa apeio, Israel maivei Sheeyu Ramai nasüe.

JEREMIAH 1:8

Puletaoye ngaopiso, daiolouzü Enou neye vupeilai. Mapao Enou haisü paowe.”

EZEKIEL 2:6

“Ana thai-a bailaiyu mainare, ne puletaoye ngaopiso, moa puletao vei chipao khesü piso. Puletao nou neye paoshilai ae ngaoralai; puletaoye koa hrüyu hai tushi shoyu chuhlyakhaoye koa buyu bütoua bailai.

MATHIU 10:28

Alia pfüphaoye southealou khaia rakoye southealou hoyu puletaoye piso; ana pfüphao ea rako ahaiye koa meizaihi pothou souhalou süyu Ramaiye pilo.

MARK 4:22

Kheia khaikhai touyu talisü dua popa ngaowulai, alia hokhai touyu talisü hapawulai.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

LUK NOU RÜYU KO AVEIBVÜ 8:17

“Daiolouzü paopa ngaolai moyu kukhaiyu hatalia hae, moa sükhailai moyu ea teivahi popa ngaolai moyu kheina talia hae.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 4:13

Sükisü puletao nou Pitar ea Johan vei khuveiyu sü ngaoloua, alia puhaisü larü sümoyu maitamai libaie touyu süloukhaie puletao sü khupa loure; alia puhaisü Jisu ye koa laiwe touyu sü puletao nou süloure.

SEI-ATAMAI VAHTAO 4:19

Ana Pitar ea Johan nou puletao hi chila peie, “Ramai chi züyu jünou neletao chi züyu nanou Ramai nghojünou züho zümosa neletao lah chikukhaio;

1 KORINTHMAI 4:5

Südonou kao-züyu teile vemo koute sü neletaowo maitali pei hia chi kuso. Mapao vemo koutesü akhai chikuyu nasü khoa bulai; puhnou chu teizhi hinou kheia buyu taosü avahi popalai ea emai le hinou pokukhai touyu taosü paopa ngaolai. Alia sükinou mai hrülainou Ramai hinou lah lahye paosho peire sü ngaolai.

1 PITAR 3:14

Anou neletao nou achechena souyu donou veaho-a bukhai-a, neletaosü daizhozhou rako veisa! Maitaliye piwuso ea le chorowuso.