MATHIU 10:25 - SHEEYU BAIBEL (BSI)

²⁵ Südonou doumai alihai puhvei dou-apeio bülouzü khabaie, alia kilai alihai puhvei paopu bülouzü khabaie. Ki paopuye puletao nou Beelzebul tea kulouzü, daizhozhou koua puletao nou puh kikha maitaoye shishoyu zhihnou kulaisa!

MATHIU 10:25 Iomraidhean Croise

2 VEMAITO 1:2

Israel maivei Veo Ahaziah hai Samaria hinou buyu puhvei ki pei hinou dekou daishi shore. Südonou puhnou kopomaiye seiho Philistin maivei Ekron nuhdu hinou buyu rah Baalzebub hisü puh hai veilou süho veilou hore touyu panou nouta-e.

MATHIU 12:24

Ana Phariseemai taonou süsü chouloua paoe, “Mai hainanou rashitaoye hulai payuhai rashitao pei hi aduna Beelzebul nou puh hi sübüa soure khouko peiyu vanoubaie.”

MATHIU 12:27

Alia Enou rashitaohai Beelzebul khouko vanou hulai palouzü, neletao thaifümaitao hiwo rashitaoye hulai payu khoukohai thaohnou peiwe? Südonou neletao thaifümainou souyu nanou neletao hai mahre touyu vei zhopaoh souwe.

MATHIU 9:34

Ana Phariseemai taonou paoe, “Rashitaoye hulai payu khouko hai rashitao peichana nou puh hi peibaie.”

MARK 10:39

Puhainou puh hi chila peie, “Ehnou soulousüe.” Alia Jisu nou puhaihi paoe, “Chechenou Enou kü vuzülaiyu pai nasü nele-a külai ea Eye dzükhao dalaiyu zhai hinou nele-a dzükhao dalai.

MARK 3:22

Jerusalem hinou veyu razhai dou-apeimai kamainou paoe, “Puh hi Beelzebul bue! Rashitao pei aduwo nou puh hi rashitaoye hulai palou sü khouko hai peibaie.”

LUK NOU RÜYU KO AVEIBVÜ 11:15

Ana maikhemai kamaia nou paoe, “Puhnou rashitao pei hi aduna Beelzebul vei khouko hinou rashitaoye hupawe.”

LUK NOU RÜYU KO AVEIBVÜ 11:18

Alia Saitan vei vedei-a lah meme soua dadeloua alinou lipei hi reihzü louzü, kabüa puh vei vedei sü laloulai? Daiolouzü neletao nou Eyenou Beelzebul vei khouko vanou rashitaoye hupawe tea paowe.

LUK NOU RÜYU KO AVEIBVÜ 11:19

Alia Enou Beelzebul khouko vanou rashitaoye hulai palouzü, neletao thaifümai taohi rashi hulai payu khouko thaohnou peiwe? Südonou neletao vei thaifümai taonou souyu nanou neletao hai mahre touyu vei zhopaoh souwe.

JOHAN 10:20

Puletao hrohinou mai taolinou paoe, “Puh hi rashi ali bue, alia puh hai vore! Neletao daidonou puhchi keiwe?”

JOHAN 7:20

Maikhe mainou chila peie, “Nehi rashi ali bue! Neye southeare donou thaohnou phouwe?”

JOHAN 8:48

Jihudimai taonou puh hi chila peie, “Nehai Samariamai alie ea nehi rashi ali bue tea Eletao nou paoyu sü paozü mowu?”

JOHAN 8:52

Jihudimai taonou puh hi paoe, “Chuo Eletao nou nehi rashi ali bue touyu sü süloure. Abraham-a rachi paolamaitao-a thaikhaire, ana ‘Maita linou Achipao hai züa bulouzü, puhnou athai nasü daokhai laimoe;’ tea nenou paoe.