MATHIU 10:20 - SHEEYU BAIBEL (BSI)

²⁰ Daiolouzü neletao nou paore chitaosü neletao vei laimoe; ana sütaohai neletao Puovei Rakonou neletao lekhe hinou paopa peilai.

MATHIU 10:20 Iomraidhean Croise

2 SAMUEL 23:2

Ramai vei rako nou ahi haibüa nou paowe; puhvei chipao sü avei mü-lü hi bue.

TAPALOUYU 4:12

Chu nou ne tawo! Enou neye soukha peilai alia nenou daie paolai touyu khesü Enou paopeilai.”

MATHIU 6:32

Daiolouzü Tahrüh kukhemai taonou sübüyu natao teitei hai phouwe. Rakibu neletao Puonou na sütao veishi hai neletaoye donou kowe touyu sü süwe.

MARK 12:36

Rako Mashinou David ye süpeia panou haibüa paoe: ‘Mapaowo nou A Mapao hi paoe: Enou ngaobamai taoye pove ne phihea soupeimo koutesü Abahkha zhoulo vanou bulo.’

LUK NOU RÜYU KO AVEIBVÜ 11:13

Südonou shi-a buyu neletao koute-a neletao nahmaitao hi avei nataonou peilou sülouzü, daizhozhou koute kou-a rakibu Puonou puh hinou khoyu maitao hisü Rako Mashinou peilaisa.”

LUK NOU RÜYU KO AVEIBVÜ 12:12

daiolouzü neletao nou paore sü teile süpha hinou Rako Mashinou neletao hi doupeilai.”

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

SEI-ATAMAI VAHTAO 13:9

Sükisü Paul tea kuyu Saul nou Rako Mashinou phoupeiloua khei-khupa do souyu mai süna hisü zhuteiloua,

SEI-ATAMAI VAHTAO 2:4

Sühinou puletao hrülaisü Rako Mashinou phoupeiloua Rakonou puletaoye süpeiyu thaifüa kukuyu la hinou paoshu loure.

SEI-ATAMAI VAHTAO 28:25

Südonou puletao hrohinou alinou liye veiva-a puletao sü potare, ana Paul nou chipao haina paomo jühiwo louzü puletao hai pota mohie, süolouzü “Daizhozhou veishoa Rako Mashinou Isaiah rachi paolawona mü hinou neletao puopao maitaohi paopeisa!

SEI-ATAMAI VAHTAO 4:8

Sükisü Pitar nou Rako Mashinou phouloua puletao hi paoe, “He maikhe maiye süthai-apei maitao ea tsümaitao,

SEI-ATAMAI VAHTAO 6:10

Ana puhvei ratsü ea puhye panou pao-a buyu Rako nghojühi puletao nou lalou hore.

2 KORINTHMAI 13:3

Khrista nou Avanou chi paowe touyu vei zhopaoh neletao nou züpayu nasü Enou ve peilai. Khrista nou neleye koa vah souyu kisü, puh hai lelouho moe; ana puhnou puhvei khouko hai neletao hrohi ngaopeie.

1 THESSALONIMAI 2:13

Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue.

1 PITAR 1:12

Ramai nou rachi paolamai haitao hisü puletao vei vah hai lah puletao zhiloure donou moe ana neletao donou baie tea pongao peie, süolouzü chu neletao nou rakinou seikouyu Rako Mashi khouko vanou Ko Avei paosü peiyu rachi paopei maitao hinou choulouyu chi sütao vanou puletao nou raia paopeire. Rakivamai koutenoua chi haitao sü sülou nüshoa bue.

2 PITAR 1:21

Daiolouzü rachi talihai emai leli hinou vekhai mohie, ana Ramai hinou veyu chipaosü puletao nou paoyu kisü Rako Mashinou maikhe maiye sü süpei baie.