MATHIU 1:1 - SHEEYU BAIBEL (BSI)

¹ Haihai Jisu Khrista puopao maitao zhih rüthouyu larübvüe. Puh hai David nahpoutue ea David hai Abraham nahpoutue.

MATHIU 1:1 Iomraidhean Croise

SHURAI 12:3

“Neye shiha peiyu maisü Enou ha peilai. Ana neye chaa peiyu maiye sü Enou chaa peilai. Alia ne vanou tyahrü hrülaiye Enou shiha peilai.”

SHURAI 2:4

Raki ae deiphao soushurai ko sü haitaoe. Ramai Mapao nou teideiphao souyu kisü,

SHURAI 22:18

Nevei tyaosholea hi Enou shiha peiyu büa deiphao hi buyu tyahrü hrülai nou avei shiha kholai, daiolouzü nenou avei kharochi züyu vanou.”

SHURAI 5:1

Haihai Adam vei tyaosholea ko rüthouyu larüe. Ramai nou maiye souyu phaki, Puhnou mai hai Ramai zhuh rai hinou soupeie.

LOUTAO 132:11

Nenou podakhailai moyu chaachou sü David hi haibüa soupei khaitoue: “Enou nevei nahpoutu mai aliye panou ne thaosü vekoulai, ae puhnou ne thai hai veo soua panou khasa-a bulai.

LOUTAO 89:3

Nenou paoe, “Enou dolouyu maitaoye koa vo ali soukhai toue, ae avei kilai David hai Enou haibüa chaachou soupei khaitoue.

LOUTAO 89:36

Puhye panou tyaonah bukoute peilai, ae Enou teinghi hamo koute puhvei vedei sü zhupeilai.

ISAIAH 11:1

David vei veotya hai süübe ali vikhao khaitouyu raibüe; ana süübe hinou süübo lapayu büa David vei tyaosholea hinou veo mai ashu ali hrüvelai.

ISAIAH 53:8

Puhye sü nüloua souvea peia nou chikuyu buh hinou süthai poa tare, mai linoua puhye donou tea chopei moe. Etao mahmo donou puhye sü southawure.

JEREMIAH 23:5

Mapao nou paoe, “Checheyu vemai ali Enou David vei tyaosholea hinou dopa peire teile sü velaire. Veo süna nou dokai veisho-a teidei sü kholoulai, ae kaozü nasü teidei veishi hi soupeilai.

JEREMIAH 33:26

Enou haisü cheche vuzünou soukhai touyu thaifüa Enou Jakob vei tyaosholea ae avei kilai David hi vo soukhai touyu sü soupeilai. Enou David vei tounah hinou pa Abraham, Isaak ae Jakob vei tyaosholea maitaoye panou khore donou veo ali sü dopa peilai. Enou avei maitaoye zhuvea peilai ae puletaoye panou kaozhou vei-a hrüpu loulai.”

AMOS 9:11

Mapao nou paoe, “Enou David vei vedei, shita-a buyu nasü soupu loua nou alia kaota-a buyu nasü soulapu loua nou, alia daoraiki büa soupu loua nou peida khailai.

ZEKHARIAH 12:8

Süzhou teithe Mapao nou Jerusalem hi buyu lülouho kanaye panou David büa khouko bulai, alia David kihikhamai ye sü panou Ramai bülai, Mapao vei rakivamai bülai.

MATHIU 1:18

Jisu Khrista hai haibüa naloure. Puh pfü Meri hai Josef ki towure, ana puhai ve komo jühinou Rako Mashi hilonou puh hai nahtu ali hrülaire touyu sü puhnou süloure.

MATHIU 1:2

Khekouhi rüthouyu zhih taosü Abraham hinou David Veo koutevei puopao maitaoe: Abraham, Isak, Jakob, Juda, ea puh thaihou jürai maitao; süthaisü Perez ea Zerah (puhai pfüsü Tamar toue), Hezron, Ram, Amminadab, Nahshon, Salmon, Boaz (puh pfühai Rahab toue), Obed (puh pfü hai Ruth toue), Jesse alia David Veo haitaoe. Khekouhi rüthouyu zhih taosü David Veo hinou Israel maitaoye Babilon hi save beyu koutevei puopao taoe: David, Solomon (puh pfühai vuh lihi Uriah chapfüe), Rehoboam, Abija, Asa, Jehoshaphat, Jehoram, Uzziah, Ahaz, Hezekiah, Manasseh, Amon, Josiah ea Jehoiakin ea puh thaihou jürai maitaoe.

MATHIU 15:22

Alia zhukhaio, teidei sühi buyu Kannania tamai naotumai alinou Jisu hi taveloua shusoua paoe, “David Nahpoutu, Oh Mapao, Eye zhuvea peio, Anah naotupai hai rashinou louloua veashoa bure.”

MATHIU 3:16

Alia Jisu nou dzükhao dalou büyu thaisü dzü hinou tapa loure. Alia zhukhaio, raki sü puh hi houpa peire ea Ramai Rakonou khao büa kou puh pei hi taoyu sü puh nou ngaoe.

MATHIU 9:27

Jisu nou buh sünasü thaowu-a tare, alia puhnou sübüa takoukhaie, nghichamai ahai nou puhthai füpoa tare. Puhainou, “David Nahpoutu, Ehye zhuvea peio!” tea shusoua raoloure.

LUK NOU RÜYU KO AVEIBVÜ 1:33

alia puhnou teisanou Jakob tyaonah khemai pei hisü veo soua hrülai, alia puhvei vebuh sü hakia akhai bulaimoe!”

JOHAN 7:42

Sheeyu larübvü hinou Khrista hai David khü hinou, alia David nou hrüyu nuh Bethlehem hinou velai toumowu?”

SEI-ATAMAI VAHTAO 2:30

Südonou puhnou rachi paolamai ali soua puh tao-nahmai aliye panou puh vebuh hisü bulai tea Ramai nou cha-chouli puh hi apaopei khaitoue touyu sü puhnou süloue.

ROMMAI 1:3

Ko Avei haina sü puh Nahpoutu Eletao Mapao Jisu Khrista vanoue: vasou hilonou zhulai toulouzü, puh hai David tyaonah alisoua nakoue;

ROMMAI 4:13

Ramai nou Abraham ea puh tyaonah maitao hi deiphao hai puhvei soubailai tea apaopeiyu kisü, süsü Abraham nou razhaina reiyu vanou moa lü louyu vanou Ramai nou puhye sü chechemai tea polouyu vanoue.

ROMMAI 9:5

puletao hai zhih tashoyu Ebria puo-paomaitao hilonou ve; alia Khrista hai emai ali soua puletao vei tahrüh hinou ve. Ha teitei pei hi khoa buyu Ramai puhye teisanou paosholou khaio! Amen.

GALATIAMAI 3:16

Südonou chuo Ramai nou puhvei apaopeiyu taosü Abraham ea puh tyaonah hi paopeie. Sheeyu larübvü nou “alia tyao-nah khemai hi” tea mai taoli vanou paomoe, ana “alia ne tyao hi” tea maili vanou, süolouzü Khristaye paobaie.

1 TIMOTHI 2:5

Daiolouzü sühisü Ramai ea emai kohi kolelou-apeio ali bue, mai sünasü Khrista Jisue.

2 TIMOTHI 2:8

Enou Avei Ko Aveina hinou paodouyu büa athai hinou hrishu louyu, David tyao-nah hinou veyu Jisu Khristaye li-chokhaio.

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”