MARK 9:7 - SHEEYU BAIBEL (BSI)

⁷ Süthaisü teihao alinou puletaoye kou züloure, alia teihao hinou pailinou haibüa paoe, “Haihai Enou leshishoyu lah Anah Poutue; puhnou paoyu keilo!”

MARK 9:7 Iomraidhean Croise

LOUTAO 2:7

“Mapao nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

LOUTAO 97:2

Teihao ae azhi sünou puhye sühao-a nou bue; puhnou acheche ae kaozü sünou khasa-a hrüpeie.

TAPALOUYU 24:16

Mapao vei khouko ava sünou Sinai deichi vasü kou buloure, alia teithe arou koute teihao nou deichi sü züloure, ae teithe anai zhousü Mapao nou Moses ye teihao hrohinou lapare.

TAPALOUYU 40:34

Süthaisü Rathokipao hisü teihao nou kou holoure, ae Mapao vei khouko ava sünou Rathokipao sü kou buloure.

DANIEL 7:13

Enou mai ali büa rakiva teihao nou koa jüpoa veyu avei zho kounou ngaoe, alia puhye sü teisa hria buyu nahisü sapoa koupeiwure.

MATHIU 27:43

Puhwo Ramaiye louchewe südonou Ramai nou puhye züpa louzü, chunou Ramaiye panou puhye vupa peiyu soulou khaio; daiolouzü puhnou, ‘Ewo Ramainah Poutue’ tea paoe.”

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

MARK 1:11

Alia rakinou pai alinou haibüa shakoue, “Nehai Enou leshi shoyu Anah Poutue. Enou nehi sü rukhare.”

MARK 9:6

Daiolouzü puletao asühai piyule donou puh hai daichi paolaisa touyu koutea sükhai more.

MARK 9:8

Puletao nou thalasou zhusühaoe ana Jisu likhei deinou puletao nou kukhe maitalia ngaokhai more.

LUK NOU RÜYU KO AVEIBVÜ 3:22

alia Rako Mashisü pfüzhonou khao büa kou puh pei hi taoloure. Alia raki hinou pai alisü haibüa shakoue, “Ne sü Enou leshi shoyu Anah Poutue. Enou nehisü rukha shore.”

JOHAN 1:34

Enou süsü ngaoloure ea zhopaoh soua paowe süolouzü haina hai Ramai Nahpoutue.”

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 12:28

Apuo, nezhih adusho soulouwo!” Sükisü rakinou paili shakoue, “Enou sünahai soudusho peire, alia Enou sünahai soudusho pupeilai.”

JOHAN 19:7

Jihudimai taonou puh hi chila peie, “Eletao vei razhai ali bue, alia razhai süna thaifüa puhsü thaizüe, daiolouzü puh lah puhyenou Ramai Nahpoutu tea paowe.”

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 5:18

Sükua paoyu vanou Jihudimainou puhye southeare donou phoupue, daiolouzü puhnou Soteithe soukhoyu thebaimoa puh lahnou Ramaiye paokha-a Ramaiye puh Puo tea kuwe.

JOHAN 5:37

Alia Eye seive peiyu Apuonou puhlah Avanou zhopaoh soue. Puh paisü neletao nou choukhai mohie, puh zhusü neletao nou ngaokhai mohie;

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

JOHAN 9:35

Puletao nou puhye hulaire touyu sü Jisu nou chouloure, alia puhye ve ngaolouyu kisü puhnou puh hi paoe, “Ne Mai Nahpoutuye louchewu?”

SEI-ATAMAI VAHTAO 1:9

Alia puhnou sükua paocheyu thaisü, puletao nou zhua buyu hinou puhye sü teihi poku pare, alia teihao nou kou puhyesü puletao nghojünou züloua satare.

SEI-ATAMAI VAHTAO 7:37

‘Ramai nou nele thaihou jürai maitao hrohinou neleye donou E kuyu rachi paolamai ali seive peilai’ tea Israelmai taohi paoyu mainasü Moses süe.

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

ROMMAI 1:4

puh vei sheeyu ramai hrü hilonou zhulai toulouzü; puhye sü athai hinou panou hrishu louyu vanou puh hai Ramai Nahpoutue touyu sü dushoyu khouko noupu pongao peire.

EBRIAMAI 2:1

Südonou Eletaoye lapasou hüpoa talou more donou Eletao nou choulouyu acheehe nasü Eletao nou khoupushoa polou vuzülai.

2 PITAR 1:17

Puo, Ramai hinou puhnou tsükhouyu ea khouko ava ngaoyu kisü, alia Aku Kulaio Ramai hinou pai linou shakoua puh hi, “Haina hai lah Enou leshiyu Anah Poutue, puh pei hisü Enou khraso peire!” tea paoyu kisü Eletao-a sühisü bue.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.