MARK 9:44 - SHEEYU BAIBEL (BSI)

⁴⁴ (Sühisü, puletaoye toua buyu shikhao sü hakia thaikhaiwu moe, alia puletaoye deia buyu meisü hakia ngheikhaiwu moe.)

MARK 9:44 Iomraidhean Croise

ISAIAH 33:14

Zion hinou mahmo soua buyu maikhe sü ngaopire ae Ramai ye louche moyu maikhe sü ngure. Puletao nou haibüa paoe, “Etao hrohi thao mainou mei tao-a buyu buh hi bulou süe? Etao hrohi thaonou teisa mei tao-a buyu mei hisü bulou süe?”

ISAIAH 66:24

“Puletao nou vakou tapayu phaki Eye khaityayu maitao vei thaiphao sü ngaolai. Puletaoye touyu shikhao khesü thaikhai toulai moe, ae puletaoye deiyu mei sü nghikhailai moe. Puletaoye sü maikhe mainou ngaoloua ngaora sholai.”

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

MATHIU 3:12

Thaihi thoutaosü soushee loure donou puh bah hi thouhü bue. Puhnou puhvei southou taosü puhvei thoupaohi pove dzülai, ana thouba taosü puhnou ngheikhailai moyu meihi pothou deiwulai.”

MARK 9:43

Südonou nebah nou neye mah hi süthou peilouzü, süsü daodewuwo!” Neye donou bah ahai bua teisanou ngheikhailai moyu meizai hi louyu jüwo, bah polova toua ahri buh hi louyuna nou veikouhie.

MARK 9:45

Alia nephinou neye mah hi süthou peilouzü, süsü daodewuwo! Neye donou phi ahai bua meizaihi polai thouwuyu jüwo phi ali toua ahri buh hi louyuna nou veikouhie.

MARK 9:48

Sühisü puletaoye toua buyu shikhao sü hakia thaikhaiwu moe, alia puletaoye deia buyu meisü hakia ngheikhaiwu moe.

2 THESSALONIMAI 1:9

Puletao sü teisanou souhawuyu ea Mapao vei nghojünou ea puhvei khouko ava hinou buh ku-a pokhaiyu vei tudee nasü ngaolai.

PONGAOPEIYU 14:10

puh-a Ramai nou puhvei rouyu pai nahi dzü chokhaimoa lathoukhai touyu puhvei rarouyu zhaoh nasü sholai! Sübüa souyu puletao hrülaiye sü mashee rakivamai ea Zhaotu süna nghojünou mei ea meichuh hinou souvea peilai.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”