MARK 9:43 - SHEEYU BAIBEL (BSI)

⁴³ Südonou nebah nou neye mah hi süthou peilouzü, süsü daodewuwo!” Neye donou bah ahai bua teisanou ngheikhailai moyu meizai hi louyu jüwo, bah polova toua ahri buh hi louyuna nou veikouhie.

MARK 9:43 Iomraidhean Croise

JOB VEI LARÜBVÜ 20:13

touveih ae soveih nasü panou vakou derai payu pa-a puletao vei mü hinou kupfü-a bu-a lae,

ISAIAH 1:31

Rouvao hai meipa ali nou dei louyu büa khouchi shoyu maitaoye sü puletao vei vah ashi nanou lah souhawu bailai, ae mai linoua puletaoye sü vupa peilou laimoe.

JEREMIAH 4:4

Neletao vei Mapao Eye koa vo soukhai touyu pfüthoso, ae neletao hai Eye donou soushee loua peithoulo, Oh Judah ae Jerusalem hi maitaore. Neletao nou sükulou more toulouzü, avei lekha rarou nasü mei büa tao-a bailai, ae mailinoua soungheilou laimoe, daiolouzü neletao nou vah ashi souyu donou.”

MATHIU 17:27

Sütoukhaia, puletaoye panou limalou more donou zaihi taholoua khahsü nasü laithoukhaio, alia raikaia sülouyu khah nasü paipa khaio, alia nenou süna mü hapayu kisü nenou Rathoki vei kha thoulou süyu husha ali ngaoloulai; süsü poloua Eye donou ea lah neye donou puletao hi peikhaio.”

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 3:12

Thaihi thoutaosü soushee loure donou puh bah hi thouhü bue. Puhnou puhvei southou taosü puhvei thoupaohi pove dzülai, ana thouba taosü puhnou ngheikhailai moyu meihi pothou deiwulai.”

MATHIU 5:22

Ana chuo Enou neletao hi paowe: puh thaihou jüraiye rarouyu maitaliye sü chi kure donou savelai, maitalinou puh thaihou jüraiye ‘Hakonawo!’ tea kulouzü puhye sü tsümehi save lalai, alia maita linou puh thaihou jüraiye, ‘Avowo!’ tea paolouzü puh hai meizhai hi loure rakoshi nasü daolai.

MARK 9:44

(Sühisü, puletaoye toua buyu shikhao sü hakia thaikhaiwu moe, alia puletaoye deia buyu meisü hakia ngheikhaiwu moe.)

LUK NOU RÜYU KO AVEIBVÜ 14:13

Ana nenou tovai aduli peiyu kisü, toure hamai, sho-vaimai, phi chamai ea nghi chamai taoye kukhaio;

LUK NOU RÜYU KO AVEIBVÜ 14:21

“Südonou kilai sünanou dakhaive puhvei paopuhi chi sütaosü paongao peire. Sühinou paopu sünanou rarouloua puh kilaihi paoe, ‘Ne thala-a nuhduhi duvatao ea kijüdu taohi taholoua toure hamaitao, shovai maitao, nghicha maitao ea phi chamaitaoye savekhaio.’

LUK NOU RÜYU KO AVEIBVÜ 3:17

Thaihi thoutaosü sousheeloua southou taosü puhvei thoupao hi pove dzüloure donou puhbah hi thouhü bue; ana puhnou thouba taosü ngheikhailai moyu meihi pothou deilai.”

ROMMAI 8:13

Daiolouzü neletao nou neletao vei kezhe züpa thaifüa hrülouzü, neletao sü thailai; ana Rako vanou neletao vei mah vah taosü neletao nou southeawu louzü, neletao sü hrilai.

1 KORINTHMAI 9:27

Ana Enou Apfüzhoye tukhatsü loua sünaye sü panou Akharo khehi khaibaiwe, sübümo louzü kukhemai hi paodou peiyu thainou Esü züdoumo bailai.

GALATIAMAI 5:24

Alia Khrista Jisu vei soulouyu puletao nou vasouye sü sünavei züpa ea chaochaosoua hrünüyu teiteiye koa kros vanou veatheare.

KOLOSSEMAI 3:5

Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

TITA 2:12

Zhuvea hainanou Eletao hi ramai loumoyu hrü ea deiphao hi vasou züpatao thaowu-a lahye tukha-a, cheche-a, alia deiphao haina hinou ramaiye phoua hrüloure doupeiwe,

EBRIAMAI 12:1

Südonou Eletaoye dushoyu teihao büyu zhopaohmai taonou züpoa buyu donou, Eletaoye khua buyu teitei, alia Eletaoye lalapasoua phua buyu mah nasü polaiwu laikhe, alia Eletao nou shamea poa Eletao nghojü hi buyu tuvare nasü tulaikhe.

1 PITAR 2:1

Südonou neletao nou ashi teitei, amada teitei, aveikho souyu teitei, maiye ngaoraiyu teitei moa maiye sou-ahraoyu chi paoyu teiteisü thaokhaiwuwo.