MARK 9:18 - SHEEYU BAIBEL (BSI)

¹⁸ Rashi sünanou puhye nisasü, puhye deiphihi dokhaokou baiwe, alia puh mü hinou tudzü laroro paloua puh huh sü veitsütsü baiwe, alia puh pfüphao teitei nou tsütyata baiwe. Enou ne rozümaitao hinou rashinaye hupapeio tea khoe, ana puletao nou hulai palou hore.”

MARK 9:18 Iomraidhean Croise

JOB VEI LARÜBVÜ 16:9

Ramai nou puhvei lekha rarou hisünou Eye sü paidesasa loua khaipeie, puhnou ngira-a Eye ngaora loure.

LOUTAO 112:10

Mai ashi mainou hai khesü ngaoloua lekha-e; puletao hai lekha shopoa nou hakata-a baiwe; puletao nou jüpa-a vurei-a buyu khesü hata baiwe.

MATHIU 15:22

Alia zhukhaio, teidei sühi buyu Kannania tamai naotumai alinou Jisu hi taveloua shusoua paoe, “David Nahpoutu, Oh Mapao, Eye zhuvea peio, Anah naotupai hai rashinou louloua veashoa bure.”

MATHIU 17:16

Enou puhye ne rozümai taohi pove-e, ana puletao nou puhye souvei peilou hore.”

MATHIU 8:12

Ana Vedei vei nahmaitaoye sü vakou maiteiyu buh hi polaipa thouwulai, sühinou puletao sü kralai ea puletao huh sü vei kükülai.”

MARK 11:23

Achechenou Enou neletao hi paowe, maitalinou deichi haina hai, ‘Nelah miposhu zaihi zhaolouwo,’ tea paolouzü, alia puhle hinou lekikhai molouzü, ana puh nou paoyu sü vetelai tea louche louzü, süsü puhye donou soupeilai.

MARK 9:17

Maisou hronou mailinou puh hi chila peie, “Dou-apeio, Enou Anahpoutuye nehi savewe, daiolouzü puh hi rashi ali loulouyu vanou puh hai la phalou hore.

MARK 9:19

Jisu nou puletao hi paoe, “O lühayu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!”

MARK 9:20

Alia puletao nou puhye sü Jisu hi sakoupeie. Rashina nou Jisu ye ngaolou bükhaie, nahpoutu sünaye nitsütsü peire, südonou puh hai deiphihi kaokoure ea kou durürüloua puh mü hinou tudzü laroro paloure.

MARK 9:26

Sühinou rashi sünanou shusou raoloure ea nahpoutu sünaye nitsütsü peiwu-a puh hinou tapare. Alia nahpoutu sünasü thaimai pfüphaoli bütou baire. Südonou maikhemai hrülainou paoe, “Puhwo thaire!”

SEI-ATAMAI VAHTAO 7:54

Chuo puletao nou chipao sütaosü choulouyu kisü rarouche rarouloua puhpei hisü motoua hu tutsütsü loure.

JUD VEI SEIKO 1:13

Puletao sü lah puletao vei ahrao nanou dzümala büa houngpayu shishoyu dzü-akhüh nasüe; puletaosü motayu teivuhtaoe; puletaoye donou maiteiyu teizhibuh nasü teisa donou khaidare.