MARK 9:12 - SHEEYU BAIBEL (BSI)

¹² Jisu nou puletao hi chila peie, “Elijah hai chechenou ha teitei souda loure donou raia vewure. Sütoukhaia daidonou sheeyu larübvü hinou Mai Nahpoutu hai alaosou vea vuzülai ea puhye sü motouwulai tea paowe?

MARK 9:12 Iomraidhean Croise

LOUTAO 74:22

Oh Ramai, tashuloua nou nevei kaozü nasü soupei khaio! Ramai ye louche moyu maitao nou neye sü tobai soumoa konüa bue touyu nasü licho peio.

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

ISAIAH 50:6

Eye taidayu mai hi Enou aphao sü pfürei peiwe, avei khoumai paiyu mai hi baitua pfürei peiwe, ae Eye konüa taidzü süshoyu mai hi apah sü pfüku chamoe.

ISAIAH 52:14

Mai alao nou puhye ngaolouyu phaki khupalai, puh vei zhu hai tyaku sholai, ae puhvei khaozhai hai maiye railai moe.

ZEKHARIAH 11:13

Süthaisü Mapao nou ahi paoe, “Sütao poloua Rathoki vei kini khaiyu buh hi thouo.” Puletao nou Eye zhohabo peiyu nahai peivei shore teanou choa buyu shahu shirou nasü Enou Mapao vei kini khaiyu buh hisü thou peiwure.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MALAKAI 4:6

Alia puo khemai lethou sü nah khemai hi thou peilai, ae nahkhemai lethou hisü puo khemai lethou hi dathou peilai, süku more toulouzü Enou ve teidei sü chaa nou souha bailai.

MATHIU 16:21

Teile sühinou shua Jisu nou du-a puh rozümaitaohi paotare. “E Jerusalem hi tavu zülai ea tsümaitao, napao adumaitao ea razhai dou-apeimaitao bah hinou alaosou vea vuzülai. Eye sü southeawulai, ana teithe asü zhousü Ehai hrishuloulai.”

MATHIU 26:24

Mai Nahpoutu louzü puh vanou sheeyu larübvü hinou rükhai touyu kua tabaie; ana Mai Nahpoutuye shoh soupeiyu mai süna donou daizhozhou ngaopisa! Puhye donou nakoukhai moyu nanou veikou shohie.”

MARK 10:33

Puhnou puletao hi paoe, “Zhukhaio, Eletao Jerusalem hi tapawe; alia sühinou Mai Nahpoutuye sü napao adumaitao ea razhai dou-apei maitao bah hi thoupeiwulai, alia puletao nou puhye thaizüe tea mah dukhaiwu-a tahrüh kukhemai bah hi thoupeiwulai;

MARK 9:13

Ana Enou neletao hi paoe, süolouzü Elijah hai vechere ea puh vanou rüthouwuyu sübüa maikhemai nou puletao züpa teitei puh hi soupeire.”

MARK 9:31

daiolouzü puhnou puh rozümaitaoye haibüa doupeia bue: “Mai Nahpoutuye maikhemai bah hi thoupeiwu-a puletao nou puhye southeawulai; alia puhye southeawu louzü, teithe asü thaisü puh hrishulai.”

LUK NOU RÜYU KO AVEIBVÜ 1:76

Alia, “Anahna neye toulouzü Aku Kulai Ramai vei rachi paolawona tea kulai; daiolouzü nenou Mapao vei ludusü soudare donou puh nghojünou raia talai.

LUK NOU RÜYU KO AVEIBVÜ 23:11

Alia Herod nou puhvei reihmai taoye koa Jisu ye sü ngaophou khaimoa konü peire; süthaisü puletaoye panou puh hisü veishoyu zaoduna ali noupeiwu-a puhye sü Pilat hi seikhai vere.

LUK NOU RÜYU KO AVEIBVÜ 23:39

Alia kros vahinou khiyu khaitoua buyu ashi souyu maisühai hinou ali nanou Jisu ye ngaophou khaimoa paoe, “Newo Khrista süna mowu? Nelah neye-a Ehye-a khailu peilo!”

SEI-ATAMAI VAHTAO 1:6

Südonou puletao nou vedzü louyu kisü, puh hi noue, “Mapao, nenou zhouvu teile haina hinou Vedei nasü Israel mai hi lukhaithou peilaiwu?”

SEI-ATAMAI VAHTAO 4:11

Jisu hai sheeyu larübvü hinou, ‘Neletao ki souyu maitao nou lulaiyu chuh nasü kainghou vei matsü tsülai chuh süna daloure,’ tea paoyu nasüe.