MARK 8:34 - SHEEYU BAIBEL (BSI)

³⁴ Süthaisü Jisu nou maisou ea puh rozümaitaoye puh hi kuveloua paoe, “Maitalinou Athai fünü louzü, puhlah puhye motoulo, alia puh kros pfüloua Athai fülo.

MARK 8:34 Iomraidhean Croise

1 VEMAITO 14:8

ae David vei kihikhamai hinou vedei sü ne hi peie. Ana nenou avei kilai David bümore, puh louzü avei chikha züwe, alia puhvei hrümai veishi nou peia Enou jüpayu kaozü vah likhei soua baie.

MAIPEI PHOUYU 14:24

Ana avei kilai Kaleb hai mai kukhe jünou tyaku hi alia achi hai puhnou züa bubaie, südonou puhnou taho zhuyu teidei hisü Enou puhye save thoupeilai alia puhvei tyaosholea maitaoye panou

MATHIU 10:38

Alia puhvei kros pfüloua Athai fülou moyu maitalisü Arozümai souzümoe.

MATHIU 16:24

Süthaisü Jisu nou puh rozümaitaohi paoe, “Maitalinou Athai fünü louzü, puhye panou lahye laiwuwo ea puh kros sü pfüloua Athai fülo.

MATHIU 27:32

Alia puletao nou tapayu kisü Kurini teidei hinou veyu Simon tea kuyu mai sünaye puletao nou daoloure, alia mai sünaye Jisu vei kros pfükhare donou reihmai taonou kutai loure.

MARK 10:21

Jisu nou puh hi leshinoupu zhuteiloua paoe, “Nehi chemoyu alikhei bubaire. Tawo ea nevei buyu teitei zhowu-a toure hamai hi peio, alia neye donou rakinou kini bulai; alia taveloua Athai fülo.”

MARK 7:14

Süthaisü Jisu nou maisouye puh hi kuve puloukhaia puletao hi paoe, “Neletao hrülai keilo ea sülo.

LUK NOU RÜYU KO AVEIBVÜ 13:24

“Kikhu ataina hilonou talou loure donou telo; daiolouzü Enou neletao hi paoe, maikhemai alaosou sühi talou loure donou phoulai ana loulou holai.

LUK NOU RÜYU KO AVEIBVÜ 14:33

Südonou, haibüa neletao hrohinou maita linou puhvei buyu teiteisü thaokhaiwu molouzü puhsü Arozümai soulou hoe.

LUK NOU RÜYU KO AVEIBVÜ 18:22

Alia Jisu nou süsü choulouyu kisü puh hi paoe, “Chukoute nehi chemoyu hali bue. Nevei buyu teitei zholaiwu-a pousha nasü toure hamai hi zhihpeio, alia raki hinou nevei kini bulai; süthaisü taveloua Athai fülo.”

LUK NOU RÜYU KO AVEIBVÜ 20:45

Alia maikhemai hrülainou kei-a buyu hinou, Jisu nou puh rozümai taohi paoe,

LUK NOU RÜYU KO AVEIBVÜ 9:23

Alia puhnou puletao hrülaihi paoe, “Maita linou Athai fünü louzü, puh lahnou puhye motulo, alia teisanou puhvei kros pfüloua Athai fülo.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 19:17

Alia puhnou lah puhvei kros pfüa “Peirao Buh” süolouzü, (Ebriamai lahinou “Golgotha”) tea kuyu buh hi tare.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

ROMMAI 6:6

Alia Eletao nou süwe süolouzü mah pfüphao vei khouko naye sü souhawu loure donou ea sübüa Eletao hai mah kilai soupukhai more donou Eletao vei hrü akuna hai Khristaye koa puh kros vanou datheare.

ROMMAI 8:17

Eletao hai puh nahmaitao baiyu donou puhnou puh maitao donou khaidakhai touyu hatao sü Eletao nou ngaolai, alia Ramai nou Khristaye donou khaidapei khaitouyu süna-a Eletao nou puhye koa ngaozholai; daiolouzü Eletao nou Khrista vei veahoyu sü koa zha ngaozho louzü, Eletao nou puh khouko avana-a koa zha ngaozholai.

1 KORINTHMAI 15:31

Athaihou jürai khemai, teithetsünou Esü athaiye daoa buwe! Eletao nou Eletao Mapao Khrista Jisu ye koa ali soulouyu hinou neletao hi Akathe soulou vei buyu süna vanou Enou chi haisü paowe.

1 KORINTHMAI 8:13

Südonou touso nou Athaihou jüraiye mah southou peilouzü, Athaihou jüraiye panou mah hi kaodulou more donou Esü hakia sou toupu khailai more.

1 KORINTHMAI 9:19

Ewo do souyu maibaie, Ewo maitali vei kilai moe; ana soulou veisa maitaoliye koloure donou lah Enou Eye sü mai hrülai vei qila panou souloure.

GALATIAMAI 2:20

Khristaye koa Eye sü Kros vanou veatheare; chu hria buyu nasü Emoe, ana Alekhe hinou hria buyu puhsü Khristae. Chu Enou vasou hinou hria buyu hrü haina hai Enou Eye leshi peiyu ea Adonou lah puhye thoupeiyu Ramai Nahpoutuye lüyu vanou hria bue.

GALATIAMAI 5:24

Alia Khrista Jisu vei soulouyu puletao nou vasouye sü sünavei züpa ea chaochaosoua hrünüyu teiteiye koa kros vanou veatheare.

GALATIAMAI 6:14

Sütoukhaia Eye donou louzü Eletao Mapao Jisu Khrista vei krosna vanou likhei khaophu soubailai; daiolouzü puhvei krosna vanou deiphao hai Ahinou thaire, alia E-a deiphao hinou thaire.

PHILIPPIMAI 3:10

Enou züpayu teitei sütaowo louzü Khristaye süyu, puh hrishuyuvei khouko sülouyu, puhvei veahoyu koa zha ngaozhoyu ea puhvei athai hinou koa puh büyu süsüe,

PHILIPPIMAI 3:7

Ana Enou zhiloue tea cholouyu na teiteisü chuo Khristaye donou halia komoyu nataobaie tea Enou choloure.

KOLOSSEMAI 1:24

Alia neletaoye donou Enou veaho-a buyu hisü chuo Enou lesa loure, daiolouzü Apfüphao hinou veaho peiyu süna vanou Khrista nou puhvei pfüphao, lüloumaime süh soua veaho peiyu hi chelou moyusü panou cheloure donou Enou soukha peiwe.

KOLOSSEMAI 3:5

Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

2 THESSALONIMAI 3:11

Ehnou daidonou sübüa paowe toulouzü neletao hrohinou mai kamaisü hikeih-a ea vahlia soukhaimoa mai kukhemai vah hinou pei thaithoua teile souha-a bubaiwe tea Ehnou chouwe.

TITA 2:12

Zhuvea hainanou Eletao hi ramai loumoyu hrü ea deiphao hi vasou züpatao thaowu-a lahye tukha-a, cheche-a, alia deiphao haina hinou ramaiye phoua hrüloure doupeiwe,

EBRIAMAI 13:13

südonou, Eletao-a fühao vakouhi tapa puh hi taveloua puhvei ahraoyu hisü zha ngaozho laikhe.

1 PITAR 4:1

Südonou Khrista nou puh pfüzhonou veapeiyu vanou, lah neletao-a puhnou souyu zhai sükua soutsülo; daiolouzü pfüzho hinou veahoyu mai talisü mah hi bupukhai more.

1 PITAR 4:13

Ana neletao nou Khrista vei khouko ava pongaoyuki lichekhoua lesa loure donou Khrista vei veahoyu hi zha ngaozhoyu hisü lesashoa bulo.

2 PITAR 1:14

Enou süwe, süolouzü Eletao Mapao Jisu Khrista nou Ahi sheesha-a paopeiyu donou Esü thala-a Apfüphao haina hai thaowua talaire.

1 JOHAN 3:16

Hai vanou leshi nasü Eletao nou süwe, süolouzü Khrista nou Eletaoye donou puh hrümai nasü thoupeiwure. Südonou Eletao-a Eletao thaihou jürai maitaoye donou Eletao vei hrümai nasü thoupei züe!

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.