MARK 7:9 - SHEEYU BAIBEL (BSI)

⁹ Alia Jisu nou thaomoa puletao hi paoe, “Neletao hi lah neletao nou doupeiyu zhai nasü reih loure donou Ramai chikha polai loure kaishoyu do ali bue!

MARK 7:9 Iomraidhean Croise

LOUTAO 119:126

Mapao, vah soure teile sü chude, daiolouzü maikhe mainou nevei chikha khesü zübare.

ISAIAH 24:5

Deiphao hi hrüa buyu maikhe mainou souzhaiwure, daiolouzü puletao nou chikha khesü pfüthore alia kharochi khesü züpei more, teisa donou vo soukhai touyu nasü soukho laiwure.

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

MARK 7:13

Haibüa neletao nou mai kukhehi doula koupeiyu sünanou Ramai chipaohai southou hako peire. Alia haibüa neletao nou souyu kukhe alaosou bue.”

MARK 7:3

(Daiolouzü Phariseemai ea Jihudimai hrülai nou puletao paipao mainou doupeiyu zhai thaifüa bah teitoulou molouzü ha toumoe;

MARK 7:5

Südonou Phariseemai ea razhai dou-apeimai taonou Jisu hi noue, “Daidonou ne rozümaitao nou paipaomai zhai nasü fümoa naa thaifüa bah sheemoa touwe?”

ROMMAI 3:31

Sükuyu thaisü lü haina vanou Eletao nou razhai naye sü souharewu? Moe, sütoukhai moe; süjüwo, Eletao nou razhai naye sü khoua polouwe.

2 KORINTHMAI 11:4

Daiolouzü Ehnou paodou moyu kukhe Jisu li vanou paodoua neletao hi veyu maitaliye sü neletao nou koa sashoa shamea peiwe. Alia Eh hinou Rako ea chipao avei ngaolouyu süna jünou kuvouyu rako ea chipao aveinaye sü neletao nou popeie!

GALATIAMAI 1:14

Alia Eh puo-pao zhai hilova Enou tsü-le peiyule-a Eye hrükhayu Jihudimai maipoulo jünou Jihudimai razhaihrü hisü Enou rai-a takoue.

GALATIAMAI 2:21

Enou Ramai zhuvea nasü raoha-a pokhaiwu moe, daiolouzü razhai vanou maitaliye Ramaiye koa souzü peire toulouzü Khrista sü hako hinou thaibaire.

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.