MARK 7:5 - SHEEYU BAIBEL (BSI)

⁵ Südonou Phariseemai ea razhai dou-apeimai taonou Jisu hi noue, “Daidonou ne rozümaitao nou paipaomai zhai nasü fümoa naa thaifüa bah sheemoa touwe?”

MARK 7:5 Iomraidhean Croise

MATHIU 15:2

“Daidonou ne rozümaitao hai Eh puopaomai zhai zümoe? Daiolouzü puletao nou touyu kisü bahdzü teimoe!”

MARK 7:13

Haibüa neletao nou mai kukhehi doula koupeiyu sünanou Ramai chipaohai southou hako peire. Alia haibüa neletao nou souyu kukhe alaosou bue.”

MARK 7:8

“Neletao nou Ramai chikha thaowu-a emai zhainou potou loure.”

MARK 7:9

Alia Jisu nou thaomoa puletao hi paoe, “Neletao hi lah neletao nou doupeiyu zhai nasü reih loure donou Ramai chikha polai loure kaishoyu do ali bue!

SEI-ATAMAI VAHTAO 21:21

alia nenou, tahrüh kukhemai teidei hinou hrüa buyu Jihudimai taohi puletao nahmaitaoye hee rodeso moa Jihudimai zhai sü füso tea paodoua Moses vei razhai sü thaore donou paodou peishe tea ne kosü puletao hi paongao peire.

SEI-ATAMAI VAHTAO 21:24

mai haitaoye saloua nelah puletaoye koa soushee loukhaio ea puletao vei thou-sha paretao sü nenou phapeikhaio, sükulouzü puletao peishusü sailousüe. Sükua soure toulouzü ne vanou puletao hi paongaoyu chi teitei sü cheche moe, ana lah nekoutea razhai nasü reitoua hrüwe touyu sü maikhemai hrülainou süloulai.

ROMMAI 4:12

Puh hai hee rodeyu maitao, süolouzü hee rodeyu peinou Eh puo Abraham nou puhye hee rodemo jühi hrüyu lüvei hrü süna kua hrüyu puletao vei puo-a baie.

GALATIAMAI 1:14

Alia Eh puo-pao zhai hilova Enou tsü-le peiyule-a Eye hrükhayu Jihudimai maipoulo jünou Jihudimai razhaihrü hisü Enou rai-a takoue.

2 THESSALONIMAI 3:11

Ehnou daidonou sübüa paowe toulouzü neletao hrohinou mai kamaisü hikeih-a ea vahlia soukhaimoa mai kukhemai vah hinou pei thaithoua teile souha-a bubaiwe tea Ehnou chouwe.

2 THESSALONIMAI 3:6

Thaihou jürai khemai, chuo Ehnou neleye Eletao Mapao Jisu Khrista zhih hinou chikha peiwe, süolouzü neletao hai hi-a buyu ea Ehnou nelehi paodou peikhai touyu zhai süna thaifüa tamoyu thaihou jürai maitao hinou tarei talo.