MARK 7:34 - SHEEYU BAIBEL (BSI)

³⁴ Süthaisü Jisu nou rakiva zhuloua ea puh ssü liphouloua mai nahi paoe, “Ephphatha,” sünavei kowo louzü, “Houpalouwo!” touwe.

MARK 7:34 Iomraidhean Croise

TAPALOUYU 2:23

Teile taoli takouyu phaki, Ejipt hi veo sü thaitare. Ana Israel mainou Ejipt maivei khakhe hinou veashoa lüpoa bure ae kra nou soukha khore. Puletao nou mai kilai soua veashoa krayu paisü Ramai nou chou loure.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

MARK 1:41

Jisu hai leshi zhuvea nou phoupeiloure, alia puh bah sü topaloua puhye deiloua paoe, “E aetoue, sheelouwo!”

MARK 15:34

Alia koukhe teilecho asü tayu phakisü Jisu nou pai kushoa raopare, “Eloi, Eloi, lama sabachthani?” süvei kowo louzü, “A Ramai, A Ramai, ne daidonou Eye thaowure?”

MARK 5:41

Puhnou nahpaiye bah hinou kou süthailoua puh hi paoe, “Talitha, Koum,” süvei kowo louzü, “Nahpai, Enou nehi paowe, kaishulouwo!”

MARK 6:41

Sükisü Jisu nou raokhao pho angou ea khah ahai taosü poloua rakiva zhuloua hapeire; alia puhnou raokhao taosü soukho loure ea sütaosü maikhemai hi zhihpeire donou puh rozümai taohi peire. Puhnou khah ahaina-a puletao hrülaihi zhipeire.

MARK 7:35

Sübühinou puh nousü houpare, puh malisü noutare ea puhsü veitoua chi paoloure.

MARK 8:12

Ana Jisu nou ssü liphou touloua paoe, “Daidonou maikha hainanou shee phousa? Chechenou Enou neletao hi paowe, maikha haina hisü sheelia peilai moe!”

LUK NOU RÜYU KO AVEIBVÜ 18:42

Jisu nou puh hi paoe, “Ne nghithou sü ngaolouwo; nevei lünou neye souvei peire.”

LUK NOU RÜYU KO AVEIBVÜ 19:41

Alia puhnou nuhdu süna ngheikihi takouloua sünaye ngaolouyu kisü, süna donou puhsü kraloua,

LUK NOU RÜYU KO AVEIBVÜ 7:14

Sühinou puhnou takouloua thaiphao sübvü nasü kou deie, alia süna kaopoa tayu maitao sü sore. Alia puhnou paoe, “Nahle pouna! Enou nehi paowe, lashulouwo!”

JOHAN 11:33

Jisu nou Meri ea puhye koa taveyu Jihudimai taonou krayu ngaolouyu kisü puh lehai daisho loure;

JOHAN 11:35

Jisu sü krare.

JOHAN 11:38

Südonou Jisu hai le daisho puloukhaia khühhi tave; khüh sünasü chuhlea hinou raokhaitoue, alia süna pei hisü chuhlinou shikhai toue.

JOHAN 11:41

Südonou puletao nou chuh nasü povaire. Alia Jisu nou pah pfülaloua paoe, “Apuo, nenou Akho keipeiyu donou, Enou ne kalo paowe.

JOHAN 11:43

Puhnou sünasü paocheyu thaisü, paikusholoua paoe, “Lazaras tapalouwo!”

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

SEI-ATAMAI VAHTAO 9:34

Alia Pitar nou puh hi paoe, “Inia, Jisu Khrista nou neye souvei peiwe; shuloua ne zühsü soulo.” Alia thalasoua puhsü shuloure.

SEI-ATAMAI VAHTAO 9:40

Ana Pitar nou puletao hrülaiye panou vakou lüpawu-a kou khou khüloua veachi paoe; süthaisü puhnou thaiphao nahi reiveloua, “Tabitha, tashulouwo tea paoe.” Sühinou puh nghi hepa loure ea Pitarye ngaoloua tashu chobu loure.

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.