MARK 7:21 - SHEEYU BAIBEL (BSI)

²¹ Daiolouzü lekhe hinou süolouzü emai le hinou tsüshi, khulou souyu, vaoyu, maiye southeayu,

MARK 7:21 Iomraidhean Croise

SHURAI 6:5

Deiphao hi maikhe mainou hrüzüyu ae puletao lekhe hisü tsü sheemoyu khaikho chokoutea buyu Mapao nou zhingaolou khaie,

SHURAI 8:21

Posheelayu kaivei nahai Mapao nou süloua rukha-a lah puh hi haibüa paoe, “Mai vanou deiphao hai Enou chaa peipu khailai more, daiolouzü mai hai, nahle-a buki nou hashi tsücho pare, Enou souhayu büa hrikhaona hrülai hai souhapu laimoe.

JOB VEI LARÜBVÜ 14:4

Sheemoyu Emai hinou thaonou kabüa sheeyu nasü pove lousüe?

JOB VEI LARÜBVÜ 25:4

Mai talinoua Ramai nghoujü sheesha tea cheche-a bulou süwu?

LOUTAO 119:36

Eye panou toungiyu jü-o nevei chikhatao züa hrüyu naye pa jüpa pulo.

LOUTAO 14:1

Avo maitao nou lah hi haibüa paoe, “Ramai hae!” Puletao mai hrülai nou shita khaitoure, ae puletao nou ngaora shoyu vah haso khesü soutare; kaozü vah souyu mai ali koute-a hare.

LOUTAO 14:3

Ana puletao mai hrülai nou shita khaitire; puletao mai hrülai nou raibütoua shikhai tare. Puletao mai ali koutea kaozü vah nasü soumore, mai ali koutea vah aveih soumore.

LOUTAO 53:1

Voyu mai nou lah puletao hisü “Ramai ha-e” tea paowe. Puletao hai hrü ashi hinou hrüa bure, ae ngaorayu vah haso khesü soupfüre; vah aveih souyu mai ali-a hazeire.

LOUTAO 53:3

Ana puletao mai hrülai sü kaodu takhaire; puletao mai veishi nou shitakhai toure. Vah aveih souyu mai ali koute-a hazei toure.

TSÜCHITAO 15:25

Mapao nou khaophu souyu maina vei ki sü soushi peilai, ana mimeamai vei deirai hai vupeiwe.

TSÜCHITAO 4:23

Nevei tsüle hai tsüreia khailo, daiolouzü sühinou ahri dzünghou küpawe.

ISAIAH 59:13

Etao nou ne chi zümoa neye malaiwure, ae ne thaifüa tamore. Etao nou mai kukhe maiye sü souvea souchoro peiwure, ae Etao nou kaomo zümoyu tsücho-a chipao lako ashi khesü paopawure.

ISAIAH 59:7

Neletao nou ashi vah soure hio teih thashore, ae mah soumoyu maiye southayuo thashowe. Neletao nou tayu buliki hai soushi peiyu ae souka peiyu sü baie.

JEREMIAH 16:12

Ana neletao vei puopao maitao jünou neletao hai shipure, daiolouzü neletao mai hrülai nou rochih sholoua achi zübare, ae hashi tsüchoyu thaifüa vah sü soutare.

JEREMIAH 17:9

“Thaonou mai ali vei tsüle hai süloulai? Hai nasü veishi jünou shikayu nasüe; hai nasü souvei loure hai tatei shore.

JEREMIAH 4:14

Oh Jerusalem, nevei tsüle hinou hashi khesü dzükhü laiwu-o, süku louzü ne khailu louyu ngaoloulai. Teile kasho koute ne sü mah vei tsücho-a bulaige?

EZEKIEL 38:10

Ramai Mapao nou Gog hisü haibüa nou paoe: “Teile süna veyu phaki, nenou tsüdo ashi khesü chotalai.

MATHIU 15:19

Daiolouzü lekhe hinou tsü ashitao veloua sütaonou maiye southeayu, maipfü maipuoye sapayu, khulou souyu, vaoyu, amada zhopaoh souyu, alia maichi paoshiyu haitao povewe.

MATHIU 9:4

Puletao nou choyu sü Jisu nou süloua paoe, “Neletao daidonou haibüyu tsüshi chowe?

MARK 7:20

Alia puhnou thaomoa paoe, “Emai lekhe hinou payu sünanou puhye souzhai peiwe.

MARK 7:22

maipfü-maipuo sapayu, loküyu, maishi souyu, madayu, ke-zhe züpa souyu, ngaoraiyu, maichi paoshiyu, khaophu souyu, alia tsü chemoyu haitao pawe.

LUK NOU RÜYU KO AVEIBVÜ 16:15

Ana Jisu nou puletao hi paoe, “Neletaosü maikhemai nghojünou lah cheche khayu maitao baie, ana Ramai nou neletao lesü süwe; daiolouzü maikhemai hrohinou paoshoyu nasü Ramai nghojüwo louzü ngaorayuna baie.

SEI-ATAMAI VAHTAO 5:4

Na süna zhomo jühi-a sünasü nevei mowu? Alia süna zhowoyu thai-a pousha nasü nedo soulai mowu? Daidonou nenou haibüyu vah souloure nelekhehi choloure? Nenou mai hi madayu moe ana Ramai hi madabaie!”

SEI-ATAMAI VAHTAO 8:22

Südonou nevei do ashi haina hinou ledalo, alia soulouvei louzü nele hinou choyu nasü khaipeire donou Mapao hinou khokhaio.

ROMMAI 7:5

Daiolouzü Eletao nou kezhe thaifüa hrüyu phakisü, razhainou soulapapei khaitouyu mah vei züpa sünanou Eletao pfüphao hinou vah souloua Eletao hisü athai vei rashi shiloue.

ROMMAI 7:8

Ana chikha süna vanou mah nanou teile kao-avei ngaoloua Alekhe hinou vasou züpa tyatyali souhripa peire. Daiolouzü razhai hayu buh hisü mah hai athai nalibaie.

KOLOSSEMAI 3:5

Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

TITA 3:3

Daiolouzü lah Eletao-a teileli hisü voe, paoyu zübae ea madae. Eletao sü vasou züpa ea deiphao hi va-sayu tyatyali vei qilatao soue. Eletao sü maiye ngaoba-ngaorai-a hrüe; mai kukhenou Ehye ngaobae ea Ehnou-a puletaoye ngaobae.

JEMS 2:4

nelenou lah neletao hronou zhai soukure mowu, alia tsü ashinou koa chikuyumai soure mowu?