MARK 7:10 - SHEEYU BAIBEL (BSI)

¹⁰ Daiolouzü Moses nou chikha peie, ‘Nepfü nepuoye tsükhoulo,’ alia, ‘Pfü moa puo chi paoshiyu puhye sü southeawutheo.’

MARK 7:10 Iomraidhean Croise

TAPALOUYU 20:12

“Nepfü ae nepuoye tsükhoulo, sükulouzü Ramai Mapao nou neletao hi peikhai touyu teidei hisü neletao nou hrüsho-a buloulai.

TAPALOUYU 21:17

“Mai tarali noua puh pfüpuoye chaayu maiye sü southawo.

TSÜCHITAO 20:20

Pfüpou maiye chaayu maisü puhye sü meivabvü souhei loua zhiteiyu buh khaiyu büa khai-a bailai.

TSÜCHITAO 30:17

Puo maiye ngaoheiyu maitao alia tsükhaivu payu thai pfü maiye ngaophou moyu maitaoye sü lüche panou toulouyu kaobaie, moyuma rashopeiki panou puletao vei nghithou sü daola pa-a kaobaie.

LEVIMAI LARÜBVÜ 20:9

Mai taralia lah puhvei pfüpuoye chaayu maiye sü southalai; puhnou thaiyu sü lah thai züa thai-a baie.

MATHIU 15:4

Daiolouzü Ramai nou chikha peie, ‘Nepfü nepuoye tsükhoulo,’ alia ‘Maitalinou puhpfü puhpuo chi paoshi louzü puhye sü southeawu vuzülai.’

MARK 10:19

Nenou chikha taosü süwe: ‘Maiye southeaso; maipfü-maipuo ye sapaso; vaoso; mada-a chi lapeiso; maiye laso; nepuo ea nepfüye tsükhoulo.’ ”

PAODAKHAIYU CHIKHA 27:16

“Pfüpuoye tsükho moyu maisü chaa ngaotheo.” “Süthaisü mai hrülai nou ‘Amen!’ tea paolai.

PAODAKHAIYU CHIKHA 5:16

“ ‘Neletao Ramai Mapao nou kharochi peikhai touyu thaifüa nepfü ae nepuoye tsükhoulo, sükulouzü Ramai Mapao nou neletao hi peikhai touyu teidei hisü neletao nou hrüsho-a buloulai.