MARK 6:41 - SHEEYU BAIBEL (BSI)

⁴¹ Sükisü Jisu nou raokhao pho angou ea khah ahai taosü poloua rakiva zhuloua hapeire; alia puhnou raokhao taosü soukho loure ea sütaosü maikhemai hi zhihpeire donou puh rozümai taohi peire. Puhnou khah ahaina-a puletao hrülaihi zhipeire.

MARK 6:41 Iomraidhean Croise

MATHIU 14:19

Süthaisü puhnou maisouye poudai phaovahi kou bure donou kharochi peie; alia puhnou raokhao pho angou ea khah ahai taosü poloua rakihi zhuloua hapeie, alia soukholoua raotaosü rozümai taohi peie ea rozümai taonou sütao hai maisouhi peie.

MATHIU 15:36

Süthaisü puhnou raokhao pho anaitao ea khah taosü poloure ea Ramai hi kalo paowu-a sütaosü soukhore ea süthaisü rozümai taohi peire; alia rozümai taonou sütaosü maisouhi peire.

MATHIU 26:26

Alia puletao nou toua bubu kinou, Jisu nou raokhao poloua hapeire, alia sünasü soukho loua rozümai taohi peia paoe, “Poloua toukhaio; haihai Apfüphaoe.”

MARK 14:22

Alia puletao nou toua bubu kinou, Jisu nou raokhaoli poloua hapeire, alia süsü soukhowu-a puh rozümaitao hi polapeia paoe, “Haihai Apfüphaoe, polouwo.”

MARK 6:40

Südonou maikhemai sü kaih-kaih ea raingou-raingounou meme souloua vya-vyanou kou buloure.

MARK 6:42

Alia puletao hrülainou toukhailoua pou phoulou khaire.

MARK 7:34

Süthaisü Jisu nou rakiva zhuloua ea puh ssü liphouloua mai nahi paoe, “Ephphatha,” sünavei kowo louzü, “Houpalouwo!” touwe.

MARK 8:19

Enou mai thengouye donou raokhao pho angou soukhoyuki neletao nou tousho derai kouyu sülai kizhou phou pokodzüloue?” Puletao nou chila peie, “Kiahai.”

LUK NOU RÜYU KO AVEIBVÜ 24:30

Alia puhnou puhaiye koa toure donou kou bulouyu kisü, puhnou raokhao nasü poloua hapeire ea süsü soukholoua puhai hi peire.

LUK NOU RÜYU KO AVEIBVÜ 9:16

Alia raokhaopho angouna ea khah ahai nasü poloua puhnou rakihi pheloure, alia hapeiwu-a sütaosü soukhore, alia sütaosü maikhemai taohi pozhihpei loure donou rozümai taohi peire.

JOHAN 11:41

Südonou puletao nou chuh nasü povaire. Alia Jisu nou pah pfülaloua paoe, “Apuo, nenou Akho keipeiyu donou, Enou ne kalo paowe.

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

JOHAN 6:11

Süthaisü Jisu nou raokhao taosü poloure, alia puhnou Ramai hi kalo paowu-a sütaosü puhnou sühi koubuyu maitaohi zhihpeire. Puhnou khah-a sükua zhihpeire, alia puletao hrülainou lahlah züpasü touloure.

JOHAN 6:23

Ana Tibiria hinou sakhao kukhe taosü Mapao nou kalo paopeiwu-a raokhao touyu buh ngheiki hisü tave loure.

SEI-ATAMAI VAHTAO 27:35

Alia haibüa paoyu thaisü Paul nou raokhao daotu poloure, alia puletao hrülai nghojünou Ramai hi kalo paowu-a süsü soukholoua toushure.

ROMMAI 14:6

Teitheli ku-a reiyu puhnou süsü Mapaoye tsükhoua reiwe; hatali toua buyu puhnou süsü Mapaoye tsükhoua toubaie, daiolouzü touso süna donou puhnou Ramai hi kalo paowe. Touso kamai toumoyu puhnou süsü Mapaoye tsükhoua toumobaie, alia puhnou süvanou Ramai hi kalo paowe.

1 KORINTHMAI 10:31

Sübülouzü veire, neletao nou tou-a sho-a moa hatali soupfü-a hateitei sü Ramai kathe donou soukhaio.

PAODAKHAIYU CHIKHA 8:10

Neletao nou touthou pouphoua reikha louyu phaki, neletaoye teidei aveih peiyu vanou neletao Ramai Mapao ye paosholo.

KOLOSSEMAI 3:17

Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.