MARK 6:34 - SHEEYU BAIBEL (BSI)

³⁴ Jisu nou sakhao hinou tapa louyu kisü, puhnou maisouduye ngaoloure, alia puh lehai puletaoye zhuvea leshinou phouloure, daiolouzü puletao hai Zhaokhowo hayu zhaotu büe. Südonou puhnou puletao hi ha tyali doupei tare.

MARK 6:34 Iomraidhean Croise

1 VEMAITO 22:17

Mikaiah nou paoe, “Enou Israel maivei reihmaitao hai zhaotu nou zhaokhowo hayu büa deichi vanou poraroua tayu sü zhingao-e, ae Mapao nou paoe, ‘Mai haitao sü süthai-apei hare; puletaoye panou kaonaphi tea nou ki hi dakhai tawo.’ ”

2 PUOPAOKO 18:16

Mikaiah nou chila peie, “Zhaokhomai ha-a nou zhaotu khesü raroupoa tayu büa Israel maivei reihmaitao hai deichi vanou raroupoa buyu Enou zhingaoe. Ae Mapao nou haibüa paoe, ‘Mai haitao hai süthai-apei mai hare, puletaoye panou kaona-a lah ki hi dakhai tawo.’ ”

ISAIAH 13:14

“Shuh ali souhumai nou huyu büa, moa zhaotu ali hai zhaokhomai hayu büa Babilon hinou ve hrüa buyu vakou maitao sü lahkuku vei nuh teidei hisü tuta bailai.

JEREMIAH 50:6

“Avei maitao hai zhaokhowo nou deichi vanou hakhai touyu zhaotu ali büre. Puletao hai deichi ali hinou ali hi mota-a laiyu zhaotu ali büre, ae lah vei ki sü kalova buyu ngaiwure.

EZEKIEL 34:5

Zhaotu khesü zhaokhowo hayu donou puletao hai raroupoa tare ae rekhaona nou puletaoye southaloua touloure.

ZEKHARIAH 10:2

Deiphao mainou bashara ae prousouyu mai hinou daie vepalai touyu nouwe, ana kohmoyu ae dayu chila ngaoloua baiwe. Kamai-a nou me paopeiwe, ana da-a nou paola peiwua panou hamako hinou lesa baiwe. Südonou maikhe mai hai hayu zhaotu büa moa laire. Süthai-apei mai hayu donou puletao hai veawe.

MAIPEI PHOUYU 27:17

sübüa nevei maitaoye panou kaozü hinou süthaisa-a talo, sükulouzü nevei maitao hai zhaokhowo hayu zhaotu ali bülai moe.”

MATHIU 14:14

Jisu nou zaipehi tapayu kisü maisou alaoye ngaoloure; alia puhnou puletaoye zhuvea sholoua puletao vei sounou maitaoye souveipeie.

MATHIU 15:32

Süthaisü Jisu nou puh rozümaitaoye puh hi kuveloua paoe, “Enou maisou haitaoye zhuveasho loure, daiolouzü puletao nou Eye koa teithe asü bukoure ea chuo halia toure hare; alia Enou puletaoye pouzüa seitayu sü züpa moe, daiolouzü puletao hai du hinou houshulai.”

MATHIU 9:36

Puhnou maisouye ngaoloukhaie, puletaoye sü zhuveasho loure, daiolouzü puletao sü zhaokhowo hayu zhaotutao büa vea-a ea soukha peiremai ha-a bue.

MARK 6:33

Sütoukhaia mai alaonou puletao tayusü ngaoloua ea puletao zhu shihaloua puletao vei nuhdu liki hinou Jisu ea puh rozümaitao jünou raia phinou tuveloua buh sühi velou loure.

MARK 6:35

Alia koukhe tei naloukhaie, puh rozümaitao nou puh hi taveloua paoe, “Chuo tei nashore, alia buh haisü zheihzheihyu buh-e.

MARK 8:1

Süthaisü phasho khaimoa kukhe maisou alao tave dzüpu khaire, alia maikhemai sü halia toure hakhaia Jisu nou puh rozümaitaoye puh hi kuveloua paoe,

MARK 8:2

“E mai haitaoye zhuveasho loure, daiolouzü puletao nou Eye koa teithe asü bukoure ea chuo toure halia hare.

LUK NOU RÜYU KO AVEIBVÜ 9:11

Maisoutao nou sübüyu kosü choulouyu kisü, puletao nou puhthai füpoa tare; alia puhnou puletaoye sasa-a shepeiwu-a puletao hi Ramai vedei vanou paodou peie, alia sou souveilou nüyu maitaoye souvei peie.

EBRIAMAI 2:17

Südonou puhnou Ramai vei kuvah souyuhi puletao vei acheche ea zhuvea peilou süyu Napao Peichana souloua maikhe maivei mah taosü khailu peiloure donou ha tali hinou puhye panou puh thaihou jürai maitao kheihao vuzülai.

EBRIAMAI 4:15

Daiolouzü Eletao vei Napao Peichanawo Ehnou lelou hoyuki Ehye leshi peilou hoyuna moe, ana Eletao büa hatali hinou athao daokhai-a puhwo mah soukhai moe.