MARK 6:15 - SHEEYU BAIBEL (BSI)

¹⁵ Sütoukhaia kukhemai nou paoe, “Puh hai Elijah-e.” Kukhemai taonou paokhaie, “Puh hai dao raiki rachi paolamaitao büyu rachi paolamai alie.”

MARK 6:15 Iomraidhean Croise

MALAKAI 4:5

Zhukhaio, pishoyu Mapao vei teithe vemo jünou Enou rachipaolawo Elijah ye sü rai-a seive peilai.

MATHIU 16:14

Puletao nou chila peie, “Kamainou Johan Baptist touwe, kamainou Elijah touwe, alia kukhe mainou Jeremiah moa kukhe rachi paolamai alie tea paowe.”

MATHIU 21:11

Maisoutao nou chila peie, “Puh hai Galilee hi Nazareth hinou veyu rachi paolawo Jisu süe.”

MARK 6:16

Ana Herod nou süsü choulouyu kisü paoe, “Puh hai Johan Baptist baie! Enou puh peisü dere, ana puh sü hrishulou khaire!”

MARK 8:28

Alia puletao nou puh hi paoe, “Kamainou neye nou Johan Baptist tea paowe; kukhe mainou neye Elijah-e touwe, alia kukhenou ne hai rachi paolamaitao hronou alie touwe.”

LUK NOU RÜYU KO AVEIBVÜ 1:17

Alia puokhemaitao lesü nahmaitao hi ea paoyu zübayu maitaoye cheche maitao vei ratsü nahi panou khaive loure Mapaoye donou souda louyu maitaoye tuda loure donou puhnou Elijah vei rako ea khouko hinou Mapaowo nghojü hinou raia talai.”

LUK NOU RÜYU KO AVEIBVÜ 7:16

Alia puletao hrülaisü piyu nou phouloure ea Ramaiye shoyu noupu haibüa paoe, “Eletao hrohi dushoyu rachi paolamai ali veloure!” alia “Ramai nou puhvei maitaoye khaipeire donou tave zhupeire!”

LUK NOU RÜYU KO AVEIBVÜ 7:39

Chuo puhye kuveyu Phariseemai pouna nou süsü ngaoloukhaie puh lahnou haibüa paoe, “Mai haina hai rachi paolamai alie toulouzü puhye deiyu naotupai haina hai thaohsa moa dai souyu maisa touyu sü puhnou süyu phae, daiolouzü puh hai mahmaipfü alie.”

LUK NOU RÜYU KO AVEIBVÜ 9:19

Alia puletao nou chila peie, “Kamainou Johan Baptist touwe; ana kukhenou Elijah tea paowe ea kukhe mainou dao raichoki rachi paola maili hridashu loure tea paowe.”

LUK NOU RÜYU KO AVEIBVÜ 9:8

kamainou Elijah khaive khaire tea paoe, alia kamainou dao raichoki rachi paolamaitao hrohinou ali hrishure tea paoe.

JOHAN 1:21

Alia puletao nou puh hi noue, “Sükulouzü ne thaoh-e? Ne Elijahwu?” Puhnou chila peie, “E moe,” Puletao nou noupukhaie, “Ne rachi-paolamai sünawu?” Puhnou chila peie, “Moe.”

JOHAN 1:25

Puletao nou puh hi noue, “Sükulouzü nehai Khrista-a, Elijah-a moa rachi-paolana-a molouzü daidonou nenou dzükhao dapeiwe?”

JOHAN 6:14

Südonou puhnou souyu shee nasü maikhe mainou ngaoloua paoe, “Chekhaoa deiphao hi vere rachi paolawo nasü hainare!”

JOHAN 7:40

Puletao nou chipao haitao choulouyu kisü, mai kamainou paoe, “Mai haina hai chekhaoa Rachi paolawo nasüe!”

JOHAN 9:17

Südonou puletao nou nghichayu mai sünahi noupue, “Puhnou ne nghithou souvei peiyu donou nenou puh vanou daitoua paowe?” Mai sünanou paoe, “Puh hai rachi paolamai alie.”