MARK 5:36 - SHEEYU BAIBEL (BSI)

³⁶ Puletao nou paoa buyu hisü halia chopei khaimoa, Jisu nou rathobuh peicha nahi paoe, “Pikhaiso, lütoulo.”

MARK 5:36 Iomraidhean Croise

2 PUOPAOKO 20:20

Thainesho shona sü puletao nou kushuloua Tekoa tea kuyu nuhdu vei vaobvü hisü tare. Puletao nou talaire tea buyu phaki, Veo Jehoshapahat nou puletao hisü haibüa pooe, “Judah ae Jerusalem hi maitaore, Ramai Mapao hi neletao vei lü sü khailo, sükulouzü neletao nou lachü loulai. Puhvei rachipaolawo nou neletao hi paoyu nasü louchelo, sükulouzü neletao nou veiloulai.”

MATHIU 17:20

Jisu nou puletao hi paoe, “Haihai neletao vei lü buche moyu vanoue. Daiolouzü Enou neletao hi chechenou paowe, neletao vei lühai javu thoutaile bulouzü, neletao nou deichi hainahi, ‘Haihinou hohi kouwo!’ tea paolou süe, alia sünanou tabailai; alia neletao hisü soulouhoe touyu hatalia bulaimoe!”

MATHIU 9:18

Jisu nou sübüa puletao hi paobukinou, Jihudimai vahdumaina alinou puh hi taveloua kou puh nghojünou khou khüloua paoe, “Anah naotupai hai chuphabü hinou thaihie; ana tave nebahnou puh vahi pokhai peio, alia puh sü hriloulai.”

MARK 5:22

Süthaisü Jairas tea kuyu rathobuh hi vahdumai alisü taveloure, alia puhnou Jisu ye ngaolouyu kisü puh phinou kou duloure

MARK 5:34

Jisu nou puh hi paoe, “Anahpai, ne lünou neye souvei peire, kaona-a tawo, alia ne sousü veilouo.”

MARK 9:23

Jisu nou puh hi paoe, “Nenou soulou sülouzü touho? Loucheyu puhye donou ha teitei hai soulou veibaie.”

LUK NOU RÜYU KO AVEIBVÜ 8:50

Ana Jisu nou süsü chouloua Jairas hi paoe, “Pikhaiso; louche toulo; alia puh sü veiloulai.”

JOHAN 11:40

Jisu nou puh hi paoe, “Nenou louchea bulouzü Ramai vei khouko avasü ngaolai tea Enou nehi paomowu?”