MARK 4:7 - SHEEYU BAIBEL (BSI)

⁷ Thoutai kamai sü raishu hrohi deloure ea raishu sütaonou dupaloua roube sütaoye bouloure, alia sütaosü thoushi more.

MARK 4:7 Iomraidhean Croise

JEREMIAH 4:3

Daiolouzü Mapao nou Judah ae Jerusalem maitao hi paoe, “Neletao vei dou shamoyu taosü shawu-o, ae rai-shuh hrohi thoutai vuthouso.

MATHIU 13:22

Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more.

MATHIU 13:7

Thoutai kamaisü raishu hrohi deloure, alia raishu taonou dupaloua sütaoye boutheare.

MATHIU 13:8

Ana thoutai kamaiwo louzü dei avei buh hi deloure, alia sütaosü shi shiloua kamainou shi kaih, kamainou rairou ea kukhenou shirou shiloure.”

MARK 4:6

Süthaisü teinghinou pakhaie roube taoye sü deire; alia maa thoua chülou moyu vanou thalasou süsü thaitare.

MARK 4:8

Ana thoutai kamaisü dei avei hi deloure, alia roube sütaosü paopaloua dushu loure ea thoushi loure; kamainou thou shirou, kamainou rairou ea kukhetao nou kaih shiloure.”

LUK NOU RÜYU KO AVEIBVÜ 12:15

Alia puhnou puletao hrülaihi paoe, “Leikeilo, alia loküyu teitei hinou neletao zhutoulo; daiolouzü emai hrühai puhvei kini alao soua buyu süna hinou bubaimoe.”

LUK NOU RÜYU KO AVEIBVÜ 21:34

“Ana neletao lesü touzhi, shozhiyu hi ea deiphao hrü hainavei le choroyu hi thoupei khaiwu more donou moa teithe sünasü sho-rüh kua neletao pei hi sükhai moa velou more donou, neletao lah leikei-a bulo;

LUK NOU RÜYU KO AVEIBVÜ 8:14

Alia raishu hrohi dekou louyu taosü chipao süna choulouyu puletaoe; ana puletao nou sübüa phajü hrükouyu thaisü leki-ledayu, kini ea hrühi vashoyu ralea taonou puletaoye sü boutheare, alia puletao vei rashitao sü liche-a meilou more.

LUK NOU RÜYU KO AVEIBVÜ 8:7

Alia kamaisü rai-shu hrohi deloure; alia rai-shutaonou sütaoye koa paopaloua sütaoye boutheare.