MARK 4:6 - SHEEYU BAIBEL (BSI)

⁶ Süthaisü teinghinou pakhaie roube taoye sü deire; alia maa thoua chülou moyu vanou thalasou süsü thaitare.

MARK 4:6 Iomraidhean Croise

SOLOMON VEI LOU 1:6

Eye sou teiwe tea ngaophou moa zhutei tiso, daivanou touyuo teinghi nou Eye phuh thewure. Apfü vei nahpoututao sü apei hi rarouwe, puhtao nou Eye darkha kipei khonapai pa soue; ana lah avei kipei sü Enou kholou moe!

ISAIAH 25:4

Daiolouzü touha sohayu mainou bailoure buh sü ne-e, veahoyu mainou bailoure buh sü ne-e. Teikhai ae teirü ashi veyu phaki bailoure buh sü ne-e alia teinai soushoyu phaki panou soukao loure sü ne-e. Daiolouzü lekhashi mainou kaki teikhai hüve kivova shoyu büa,

JONAH 4:8

Teinghi payu thai, Ramai nou teinghi palova nou soushoyu teikhai seive peie, alia teinai souleyu donou Jonah sü thainonore, südonou puhnou paoe, “Eye donou hriyu jüo thaiyu nou veipure.”

MATHIU 13:6

Ana teinghinou payu kisü, sütaoye sü teinainou deire; alia sütaosü maa thoua chüloumoyu vanou thala-a thaitare.

MARK 4:5

Kamaisü dei veimoyu chuhrao hrohi dekou loure, alia thoutai taosü deifü shoumoyu vanou thalasou paopare.

MARK 4:7

Thoutai kamai sü raishu hrohi deloure ea raishu sütaonou dupaloua roube sütaoye bouloure, alia sütaosü thoushi more.

EPHESAMAI 3:17

alia lü vanou Khrista nou puhvei kihai neletao lekhe hinou souloure donou Enou veachi paowe. Alia leshi hinou neletaosü maa tsülou loure ea kifü soushu paloure donou Enou veachi paowe,

KOLOSSEMAI 2:7

Neletaoye doupeiyu sübüa neletao maasü puh hi tsüloulo, puh vanou neletao hrümaisü soushu palo, alia neletao lüsü khoupu palo. Alia kalo paoyu nou phoupeia bulo.

2 THESSALONIMAI 2:10

alia halaiyu maitao pei hisü puhnou madayu ashi vah tyali soulai. Puletao sü sübüa habailai daiolouzü puletao nou acheche naye sü leshi bae ea sübüa khailulou bae.

JEMS 1:11

Daiolouzü teinghinou puhvei meisou sünaye koa paloua poube sünaye chatheawure; sünavei poupah-a raitare, alia sünavei ngah veinasü souhare. Süzhaibüa hanimai süna-a puhvei hu phoubu kinou hata bailai.

JUD VEI SEIKO 1:12

Puletao nou neletaoye koa ahrao hazhia touzho-shozhoyu sütaonou neletao vei leshi-nühvei chaa taoe; puletaosü lah puletaoye khobaiyu zhaokho maitaoe; puletao hai teikhai nou hüpoa laiyu teirü samoyu teihaoe; alia puletaosü rashithou shimoyu, thai ahai khoyu, maa noupu paipalaiyu kaaki süübetaoe.

PONGAOPEIYU 7:16

Puletao sü hakia reizü pukhai laimoe; alia puletao pei hisü teinghinou-a moa meisou hatalinou-a chakhai laimoe.