MARK 4:41 - SHEEYU BAIBEL (BSI)

⁴¹ Ana puletao sü ngaopi sholoua linou lihi paoe, “Mai haina hai thaoh-e? Teikhai ea dzü-akhüh koutenoua puh chi züwe!”

MARK 4:41 Iomraidhean Croise

JOB VEI LARÜBVÜ 38:11

Hai hi koute bailai, haijü panou lapa laimoe, ae chisho-a puhvei zaidzü houyu sü hai hi koute bailai tea Enou paopeie.

LOUTAO 89:7

Sheeyu maitao nou tave jüa buyu buh hisünou neye ngaopi-a bue; ae puletao mai hrülai nou neye khuhao-a nou lapoa bue.

MALAKAI 2:5

Enou puh hi Vo soukhai touyu nasü hriyu ae kaonayu vo-e, alia Enou süsü puletao hi Eye pishulai alia azhih ngaopi-a tsükhou shulai touyu vanou puh hi soupeie.

MATHIU 14:32

Alia puhai nou sakhao nahi talou louyu kisü teikhai sü khaitare.

MATHIU 8:27

Mai hrülainou khupaloua paoe, “Mai haina hai daimaitya-e? Daiolouzü teikhai teirüshi ea zai koutenou-a puhchi züwe!”

MARK 4:40

Süthaisü Jisu nou puh rozümai taohi paoe, “Daisoua neletao piwe? Neletao chu koutea lü hahiwu?”

MARK 5:1

Jisu ea puh rozümai taosü Galilee zaipe polo dova Gerasa teidei hi veloure.

MARK 5:33

Naotupainou puh hi dai paresa touyu süloua, puhnou pi-nguloua takou Jisu phihinou khou khüloua payu acheche teitei vanou puh hi paongaoe.

MARK 7:37

Alia puletao nou paosha louhosou khupaloua paoe, “Puhnou ha teiteisü souveisho peiwure; puhnou nou pemai kouteye panou chouloure ea la hamaiye panou chi paoloure!”

LUK NOU RÜYU KO AVEIBVÜ 4:36

Alia maikhemai hrülaisü khupa sholoua linou lihi haibüa paoe, “Chipao haisü dai tyae? Daiolouzü puhnou sheemoyu rako sütao hisü khouko ea soulousü zü nanou kharochi peiwe, alia puletao sü tapare.”

LUK NOU RÜYU KO AVEIBVÜ 8:25

Süthaisü puhnou puletao hi paoe, “Neletao vei lü daiki bue?” Ana puletao sü piloua ea khupaloua linou lihi paoe, “Mai hainasü thaoh-e, daiolouzü puhnou teikhai ea dzü-akhüh hi tukhapeikhaie sütao-a puhchi zübaiwe!”

EBRIAMAI 12:28

Südonou soungulou hoyu vedei nasü Eletao nou ngaolouyu vanou kalo paolaikhe, alia sübüa Eletao nou khuhaoyu ea piyu nou koa puh züpa zhaina hinou Ramaiye tholaikhe;

PONGAOPEIYU 15:4

Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”

1 SAMUEL 12:24

Neletao vei tsüle ae hrümai teitei nou peia Mapao chi zülo, ae puhvei kuvah hai chilee cheche-a soulo. Puhnou neletaoye donou vah haso aduli soupei khaitouyu khesü licholo.