MARK 4:32 - SHEEYU BAIBEL (BSI)

³² Ana phajü thaisü sünanou dupaloua deiphao nou dukayu vupoube souloure ea dushoyu bo lapaloua tei raohoutao nou ve sünavei khu hrohinou puletao phe souloure.”

MARK 4:32 Iomraidhean Croise

LOUTAO 104:12

Süpehao hinou buyu süübetao hinou raohou khenou phe souloua lou soua bue.

LOUTAO 91:1

Kukulaio hi velou bulouyu maitao, Khoukhoulaiwo vei shouh khe hinou baibu soua bulouyu maitao,

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

SOLOMON VEI LOU 2:3

Aleshipu nou nahle maitao hrohinou buyu hai Phobe linou vaohro hinou buyu büa baie, Lesa shoa E puh khunghu khe hinou bue, alia puhvei rashithou sü Eye donou touvei shoe.

ISAIAH 11:9

Ramai vei sheeyu Zion Deichi hisü, hatara linoua ve soushi louhoe moyuma ha ashi touyu khesü bupulai moe. Sühisü Mapao ye süyu tsü nou zai hi dzü phoutao buyu büa bubailai.

ISAIAH 32:2

Puletao mai alili hai teikhai hinou bailoure buh ali ae teikhai teirü ashi veyu phaki tutsü louyu buh ali bülai, alia puletao sü radeiki hinou reidzü küyu büa ae halia hayu teidei hisünou chuhdu ali nou teihao soupeiyu bülai.

DOPFÜYU 4:20

Eletao vei hrirai, Mapao nou dopa peiyu veo sü puletao nou nüloure; ngaobamai taralinou soureih souveyu phaki Etaoye vupa peilousüe tea Etao nou louche-a buyu nasü puletao nou nüloure.

EZEKIEL 17:23

Kukayu Israel maivei deichi hi pove shopeilai, Sünasü süübo lapa-a rashithou shiloulai, ae veikayu sedar süübe ali soulai. Raohou tya teitei nou sühisü ve bulai, ae sünavei khe nou baibu soua bulai.

MATHIU 13:32

Thoutai sünahai thoutai kukhe veishi jünou taikayu nasüe, ana sünanou paopa louyu kisü, poube veishi jünou duloure ea sünanou süübeli daloua teihi raohoutao nou zhaoveloua sünavei botao hinou puletao vei phe mealoure.”

MARK 4:31

Süsü javu thoutai ali kheihaoe, süolouzü mailinou thoutai süsü deihi vuthouyu phakisü, süsü deiphao nou thoutai kukhe teitei jünou taikayu thoutai nasüe.

MARK 4:33

Jisu nou haibüyu nadataonou seia puh chipao sü maikhe mai hi paodoupeie; alia maikhe mainou soutaosoua sülou süyu hinou puhnou puletaoye doupeie.