MARK 4:20 - SHEEYU BAIBEL (BSI)

²⁰ Ana mai kukhetaowo deivei buh hi vuthou khaitouyu thoutaitao kue. Puletao nou chipao nasü chouloua süsü poloure ea shithou shiloure: kamainou shirou, kamainou rairou, alia kamainou kaih shiloue.”

MARK 4:20 Iomraidhean Croise

SHURAI 26:12

Isaak nou dei sünahi thoutai vuthou loue alia po sünahi Mapao nou hapeia puhnou vuthouyu jünou zha kaihli pua chiloue.

MATHIU 13:23

Alia deivei buh hi vuthou khaitouyu thoutai taonou chipao süna chouloua sülouyu maitao kue: puletao nou shi shiloue, kamainou kaih koute, kukhenou rairou, alia kukhetaonou shirou shiloue.”

MATHIU 13:8

Ana thoutai kamaiwo louzü dei avei buh hi deloure, alia sütaosü shi shiloua kamainou shi kaih, kamainou rairou ea kukhenou shirou shiloure.”

MARK 4:8

Ana thoutai kamaisü dei avei hi deloure, alia roube sütaosü paopaloua dushu loure ea thoushi loure; kamainou thou shirou, kamainou rairou ea kukhetao nou kaih shiloure.”

LUK NOU RÜYU KO AVEIBVÜ 8:15

Alia deivei buh hi dekou louyu taonou, chipao süna chouloua sünasü sheeyu ea paoyu züyu lekhe hinou poteiloua shameayu vanou rashi shilouyu puletaoe.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

ROMMAI 7:4

Athaihou jürai khemai, neletao hi-a zhai süsü büa bubaie. Razhai hilo sü neletao hai thaire daiolouzü neletao hai Khrista vei pfüphao zha alire; alia Ramai vei kuvah Eletao nou veipua souloure donou chuo neletao hai athai hinou hrishu louyu puhvei souloure.

PHILIPPIMAI 1:11

Neletao hrümaisü Ramai kathe paoloure ea puhye paosho loure Jisu Khrista likhei hinou vebaiyu acheche vei rashithou sünanou phoupei loulai.

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

1 THESSALONIMAI 4:1

Akhai hinou, thaihou jürai khemai, nelenou kabüa hrüzüe ea kabüa Ramaiye sousalai touyu sü Eh hinou doulouyu büa ea süsü neletao nou soua buyu kua, süjünou koua soupu khaikhai loure donou Ehnou neleye Mapao Jisu zhih hinou khowe ea süpeiwe.

2 PITAR 1:8

Daiolouzü, tsüdo haitao hai neletao veie toulouzü ea neletao hi alaosoua bulouzü, sütaonou Eletao Mapao Jisu Khristaye neletao nou sü-a buyu hisü panou chih-a ea veipua vah souloulai.