MARK 4:19 - SHEEYU BAIBEL (BSI)

¹⁹ ana deiphao hrü haina vanou doyu, kiniye leshiyu, alia kukhe ha taliye züpayu sütaonou ve phouloua chipao sünaye boutheare, alia sütaosü shithou shikhai more.

MARK 4:19 Iomraidhean Croise

TSÜCHITAO 23:4

Chingi ngaoloure donou teroua vah soula lesouo; phibah khailoure donou tsüvei cholo.

TSÜCHITAO 23:5

Nevei nangi khesü mei keipha touyu ali hinou hatalou veie, süna hai sükhaimoa shouh pfülou-a lüche büa tei hi zhaokhe ta-a bailai.

KOPAODOUWO 4:8

Mai alisü puh nah-a moa thaihou-jürai-a hae, ana puhvei terouyu hai akhai hae, alia puh nghithou hai kini nou ngaoposhu khayu hae. “E hai thaoye donou terou soua lahye savayu ali-a peimoa buwe” teanou puletao lah noue. Hai-a hamako baie alia lesa moyu vah ali baie.

ISAIAH 5:2

Puhnou dei sü helou-a chuh khesü kolaiwure, ae darkha veihkayu tyanou sholoure. Darkha panou khore donou puhnou kipei toutsü hinou douhbuh ali souloure, ae darkha dzü süyu buh-a ali soukhailoure. Puhnou darkha shiyu teile hi zhuveyu phaki darkhashi teitei sü veimo tyanou shi-a baire.

ISAIAH 5:4

Enou darkha kipei donou soupei chemoyu dai bue? Enou rashithou aveih shipei shulai tea kho-a bukhai-e, daidonou rashithou ashi tyanou shi-a baiwe?

MATHIU 13:22

Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more.

MATHIU 19:23

Süthaisü Jisu nou puh rozümai taohi paoe, “Enou neletao hi chekhaoa paoe, hanimaili donou raki Vedeihi velouyu hai tatei sholai.

MATHIU 3:10

Chukoute-a süübetao mahi mareisü daothou khaitoua bue; südonou rashi avei shimoyu süübetaoye sü vikaowu-a meihi polaithouwu baiwe.

MARK 4:18

Mai kukhetao nou raishu hrohi vuthouwuyu thoutaitao büe. Puletao sü chipao süna choulouyu maitaoe,

LUK NOU RÜYU KO AVEIBVÜ 10:41

Ana Mapao nou puh hi chila peie, “Martha, Martha! Newo vah alao donou lekishoa ea levea-a bue;

LUK NOU RÜYU KO AVEIBVÜ 21:34

“Ana neletao lesü touzhi, shozhiyu hi ea deiphao hrü hainavei le choroyu hi thoupei khaiwu more donou moa teithe sünasü sho-rüh kua neletao pei hi sükhai moa velou more donou, neletao lah leikei-a bulo;

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

EPHESAMAI 6:12

Daiolouzü Eletaowo ke-zheye reihzümoe, ana rakilo buhtaohi buyu ashi rakotao vei khoukotao, paopu maitao, peikho maitao, alia chu teizhi hainavei teideiphao vei khoukotaoye reih züwe.

PHILIPPIMAI 4:6

Hatali donou dowuso, ana hateitei hinou kalo paoyu noupu veachi pao-a ea kho-a neletao vei akho pfüphousü Ramai hi süngaokhaio.

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

2 TIMOTHI 4:10

Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare.

2 PITAR 1:8

Daiolouzü, tsüdo haitao hai neletao veie toulouzü ea neletao hi alaosoua bulouzü, sütaonou Eletao Mapao Jisu Khristaye neletao nou sü-a buyu hisü panou chih-a ea veipua vah souloulai.

JUD VEI SEIKO 1:12

Puletao nou neletaoye koa ahrao hazhia touzho-shozhoyu sütaonou neletao vei leshi-nühvei chaa taoe; puletaosü lah puletaoye khobaiyu zhaokho maitaoe; puletao hai teikhai nou hüpoa laiyu teirü samoyu teihaoe; alia puletaosü rashithou shimoyu, thai ahai khoyu, maa noupu paipalaiyu kaaki süübetaoe.