MARK 4:12 - SHEEYU BAIBEL (BSI)

¹² sübüa, ‘Puletao nou zhukhai zhukhailai, sütoukhaia ngaolaimoe; Puletao nou keikhai keikhailai, sütoukhaia sülaimoe. Sükumo louzü puletao nou dakhai veloua Ramai nou puletao mah khaipeiwu shulai.’ ”

MARK 4:12 Iomraidhean Croise

ISAIAH 43:8

Ramai nou paoe, “Avei maitaoye sü chikuyu ki hi kupoa vewo. Puletao hai nghithou bue, ana nghichare, puletao hai noubei bue, ana noupere!

ISAIAH 44:18

Haibüyu maitao hai voleyu donou puletao daie souwe touyu sü sülou more. Daiolouzü puletao vei nghithou sü souhore ae puletao vei tsüle sü soumewure. Südonou puletao nou ngaolou more ae puletao nou sükulou more.

JEREMIAH 36:3

Enou Judah maitao hi veahoyu sü pove peilai tea paopei khaitouyu khesü puletao nou choulouyu phaki, puletao nou vah ashi souyu sü thaolou vei-e, sükulouzü Enou puletao vei mahmo khesü khaipeia bailai.”

JEREMIAH 5:21

Oh voyu maitao ae tsü hayu maitao, nghithou pfüa ngaomoyu maitao, noubi pfüa choumoyu maitao, soutaosou keilo.

EZEKIEL 12:2

“Thai-a bailaiyu mainare, ne sü khaityayu maitao hrohinou bue. Puletao hai ngheithou bue, ana halia ngaolou moe, puletao hai noubei pfüwe, ana halia choulou moe, daiolouzü puletao hai khaityayu mai baie.

MARK 8:18

Neletao nghithou bu-bua ngaomowu? Neletao nou pfü-pfüa choumowu? Alia neletao halia lilou mowu?

LUK NOU RÜYU KO AVEIBVÜ 8:10

puhnou chila peie, “Neletao hiwo louzü Ramai Vedei vei kheitsü hai süloure donou peire; ana kukhe maitao hiwo louzü, puletao nou ngao-a ngaolou more donou, alia puletao nou kei-a sülou more donou nada hinou peikhaitoue.

SEI-ATAMAI VAHTAO 3:19

Südonou ledalo, alia Ramai hi dakhai velo, sükulouzü puhnou neletao mahsü soushee peilai. Neletao nou haibüa soulouzü,

PAODAKHAIYU CHIKHA 29:4

Ana zhou koute Mapao nou neletao hi sülou süyu tsüle, ngaolou süyu nghithou ae choulou süyu nou hai peimo hie.

2 TIMOTHI 2:25

alia puhye ngaobamai taoye kaonayu hinou paodouzü peilai, daiolouzü Ramai nou puletao hi panou ledaloua acheche naye süloure teile avei peilouveie.

EBRIAMAI 6:6

Alia sükuyu shonou puletao nou puletao vei lüsü thaore! Südonou puletaoye sü panou le dapu louyu hai tatei sholoure, daiolouzü puletao nou Ramainah Poutuye kros vanou veatheapu khaire ea puhye sü dua soungu peire.