MARK 3:3 - SHEEYU BAIBEL (BSI)

³ Alia Jisu nou mai nahi paoe, “Nghojülo takoulo.”

MARK 3:3 Iomraidhean Croise

ISAIAH 42:4

Puhnou deiphao hi kaozü nasü souche loumo koute, puh hi areih sü halai moe, moyuma chathai talai moe. Kadou sho-a buyu teidei khenou puh vu zhisho-a nou bure.”

DANIEL 6:10

Veo nou chikha nasü ae-ao souloua sheesao nopeiwure touyu Daniel nou süa bulikhei, puhnou teithetsü puh ki hi veloua puhvei kide areina hinou buyu vabome, Jerusalem hilova reipoa buyu hinou khoukhüloua teitheli hinou bakha asü Ramai hi veachi paoe alia puhye paoshowe.

MATHIU 12:10

Alia zhukhaio, sühisü bah polo thaiyu maili bue. Sühisü Jisu hai vah soumahre tea mah dukhainüyu mai kamai bue, südonou puletao nou puh hinoue, “Soteitheki sou souvei peiyu zhai buwu?”

MARK 3:2

Sühisü Jisu pei hi mah dukhai nüyu kamaia bue; südonou puletao nou soutaosoua Jisu nou Soteithezhou mai sünaye souvei peilaiho mosa tea choh-a bue.

MARK 3:4

Sükisü puhnou maikhemai hi paoe, “Soteithe zhou avei souyu zhaiho ashi souyu zhaie? Maihrirai khaipei laiho southealai?” Ana puletao nou hachilia paomoe.

LUK NOU RÜYU KO AVEIBVÜ 6:8

Ana puhnou puletao vei tsü-le nasü süloua bah polova shoyu mai sünahi paoe, “Lashuloukhaio ea takou maikhemai nghojü hinou lalouwo.” Alia mai sünanou lashuloua sühinou kou laloure.

JOHAN 9:4

Teinghi bubukinou Eye seive peiyu puh vei vah taosü Eletao nou souvuzülai. Maita linoua vah soulou hore kheisü laire.

1 KORINTHMAI 15:58

Südonou leshiyu Athaihou jürai khemai, latoulo ea lükhaiso. Mapaowo donou vah souyu hisü kou-noulo, daiolouzü Mapaowo donou te-a vah souyu hai hakia raohamoe touyu sü neletao nou süwe.

GALATIAMAI 6:9

Südonou Eletao nou avei souyu hisü leveawu laimokhe; daiolouzü Eletao nou lekhaita molouzü, teile kao-avei hinou Eletao nou cha chilai.

PHILIPPIMAI 1:14

Alia Enou hukhahi louyu vanou thaihou jürai maitaoliye panou Mapaoye louche puloure, alia sübüa puletaosü Ramai chipao paodouyu hisü pikhai moa teisa nou khuvei pusho loure.

1 PITAR 4:1

Südonou Khrista nou puh pfüzhonou veapeiyu vanou, lah neletao-a puhnou souyu zhai sükua soutsülo; daiolouzü pfüzho hinou veahoyu mai talisü mah hi bupukhai more.