MARK 3:10 - SHEEYU BAIBEL (BSI)

¹⁰ daiolouzü puhnou mai alaoye souvei peie, alia sounoumai hrülainou puhye kou deiloure donou puh hilo khaova koure.

MARK 3:10 Iomraidhean Croise

SHURAI 12:17

Ana Pharaoh nou Abram chapfü Saraiye salouyu vanou Mapao nou Pharaoh hi ae puh kikhamai hi ngaopi shoyu sounou seive thoupeie.

MAIPEI PHOUYU 11:33

Puletao nou toure sou hai alao soumoa buyu teile hinou Mapao nou lekha loua puletao hisü rahta rahvu hai seive peire.

MATHIU 12:15

Alia Jisu nou puh pei hi motouyu donasü sülouyu kisü, buh sühinou tare; alia mai alaonou puhthai fütare. Puhnou lishimai hrülaiye souvei peie

MATHIU 14:14

Jisu nou zaipehi tapayu kisü maisou alaoye ngaoloure; alia puhnou puletaoye zhuvea sholoua puletao vei sounou maitaoye souveipeie.

MATHIU 14:36

Puletao nou puh hinou sounou maitaoye panou puhvei sah noukai deikhaio tea khoe; alia süna deilouyu puletao hrülaisü veiloure.

MATHIU 4:23

Jisu nou Galilee teidei teitei tasühao poa rathobuhtao hinou doupeie ea Vedei vei Ko Avei nasü paodoupeie, alia sounou ea sou tyalinou sou-a buyu maikhemai taoye souvei peie.

MARK 5:34

Jisu nou puh hi paoe, “Anahpai, ne lünou neye souvei peire, kaona-a tawo, alia ne sousü veilouo.”

MARK 6:56

Alia Jisu nou tave taveyu nuhtao, nuhdutao, moa nuhfütao hi maikhe mainou lishimai taoye pove hupobuh khonou zükhaiwu-a puh hinou ve maikhe maiye panou puh sahnoukai koutea deio tea khoe; alia süna deilouyu mai hrülaiye sü souveikhai peire.

MARK 8:22

Alia puletao sü Bethsaida hi velou loure ea sühinou mai kamainou nghi chayu mailiye Jisu hi saveloua puhye nou mai süna vahi deipeio tea khoe.

LUK NOU RÜYU KO AVEIBVÜ 5:3

Jisu nou sakhao alihi süolouzü Simon vei nahi louloua zaipe hinou saoposhu kaphoua khaipeiwo tea Simon hi paoe. Alia puhnou lou buloua sakhao levai hinou maisouye doupeie.

LUK NOU RÜYU KO AVEIBVÜ 6:19

Sükisü maisou hrülainou puhye sü deiloure donou phoue, daiolouzü puhva hinou khouko sü paloua puletao hrülaiye sü souveipeie.

LUK NOU RÜYU KO AVEIBVÜ 7:2

Alia sühisü reihmai kaihpei chayumai alivei leshishoyu kilai ali bue, mai sünasü soushisholoua thainonoa bure.

LUK NOU RÜYU KO AVEIBVÜ 7:21

Süphabü hinou Jisu nou maitaoliye puletao vei sounou ea sou-ashitao alia rashitao hinou souvei peire, alia nghichamai taoliye panou ngaoloure.

SEI-ATAMAI VAHTAO 5:15

Südonou Pitar nou ta-a buyu hinou puh khunguhai panou puletao kamai vahi dakhai loure koute donoua maikhe mainou sounou maitaoye duvahi poveloua puletaoye züh phaohi ea zha phaohi pozü khaipeie.

EBRIAMAI 12:6

Daiolouzü Mapaowo nou puhnou leshiyu mai hrülaiye sü tukhazü peiwe, alia puhnah soure maitaoye sü puhnou tudee peia salouwe.”