MARK 2:7 - SHEEYU BAIBEL (BSI)

⁷ “Mai hainanou daidonou haibüa paoe? Haisü Ramaiye paoshiwe! Mah khaipeilou süyu hai Ramai likhei baie!”

MARK 2:7 Iomraidhean Croise

JOB VEI LARÜBVÜ 14:4

Sheemoyu Emai hinou thaonou kabüa sheeyu nasü pove lousüe?

LOUTAO 130:4

Ana nenou etao vei mahmo khesü khaipeie, südonou etao nou neye khuhao-a nou ne nghoujü nou la-a bue.

ISAIAH 43:25

Sübüa buyuma, Esü neletao vei mahmo khailu-apeio Ramai nasüe, ae Enou neletao vei mahmo khesü lichopu peilai moe.

DANIEL 9:9

Etao nou ne chi zümoa mahmo souyuma, Oh Mapaowo, newo louzü maiye zhuvea süe alia khailupa peia baie.

MIKAH 7:18

Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae.

MATHIU 26:65

Sübü hinou napao peicha nanou puh sah daopha loua paoe, “Puh nou Ramaiye paoshire. Eletao nou haipeinou zhopaoh kukhe phoupuyu daizhiyu bue? Neletao nou chuo puhnou Ramaiye paoshiyu chouloure!

MATHIU 9:3

Süthaisü razhai dou-apeimai kamainou lah puletao kheihaohi paoe, “Mai haina hai Ramaiye paoshiwe!”

MARK 14:64

Puhnou Ramaiye paoshiyu sü neletao nou chouloure. Kakua neletao nou chowe?” Alia puletao hrülainou puh hai thaizüe tea puh pei hi mah dukhai peire.

MARK 2:6

Chuo sühinou chobua buyu razhai dou-apeimai kamainou lah puletao lekhe hinou haibüa choloure,

MARK 2:8

Thalasou Jisu nou puletao nou cho-a buyu sü süloua puletao hi paoe, “Neletao daidonou haibüyu tsühai chowe?

LUK NOU RÜYU KO AVEIBVÜ 5:21

Alia razhai dou-apeimai ea Phariseemai taonou puletao hrohinou haibüa paoe, “Ramaiye paoshiyu mai hainasü thaoh-e? Ramai likhei baimoa thaohnou mah khaipei lousüe!”

LUK NOU RÜYU KO AVEIBVÜ 7:49

Sühinou puhye koa arübuh hinou buyu kukhemai taonou puletao hrohinou alinou lihi haibüa paoshure, “Mah koute khaipeiyu mai hainasü thaoh-e?”

JOHAN 10:33

Jihudimai taonou puh hi chila peie, “Eletao nou neye vah avei donou chuhnou deilai moe ana Ramaiye paoshiyu donou baie; alia newo mai baiyuma nelah Ramaiye paokhawe!”

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?