MARK 2:27 - SHEEYU BAIBEL (BSI)

²⁷ Alia puhnou puletao hi paoe, “Soteithe hai maiye donou soupeie, alia maiye sü Soteithe donou soupeimoe.

MARK 2:27 Iomraidhean Croise

TAPALOUYU 23:12

“Teithe arou koute neletao nou vah soulo, ana teithe anai zhousü neletao nou solai, sübüa nevei qila maitao ae nevei kuvah souyu mai alia kikhaorütao-a panou soyu ngaoloulai.

ISAIAH 58:13

Mapao nou paoe, “Neletao nou Soteithe zhou hai sheeyu teithe-e tea nou süzhou teithe hai neletao jüpayu vah soumoa shamea louzü, ae süzhou teithe savayu ae sheeyu teithe soua tsükhou pei-a neletao nou lah jüpa vah soumo louzü ae komoyu chipha-a teile souhamoa bulouzü,

EZEKIEL 20:12

Ahai koa nou ae-ao soukhai touyu nasü panou licho loure donou ae Enou puletaoye soushee peiwure touyu nasü panou süloure donou Enou puletao hi so teithe reilo tea nou peie.

EZEKIEL 20:20

Soteithe nasü sheeyu teithe ali soua khailo sübüa sünanou ahai koa vo soukhai touyu vei shee soulai, ae sünanou E hai neletao vei Ramai Mapao nasüe touyu neletaoye panou süloulai.

MARK 2:28

Südonou Mai Nahpoutuwo nou Soteithe pei hi koutea Mapaoe.”

LUK NOU RÜYU KO AVEIBVÜ 6:9

Alia Jisu nou puletao hi paoe, “Enou neletao hi nouwe; Soteitheki avei souyu zhaiho, ashi souyu zhaie moa hrirai khailu peilaiho sünasü souhalai?”

JOHAN 7:23

Moses vei chikha soukho more donou nahpoutumai aliye Soteithe kinou hee-vade louzü, Enou mai aliye puh vasou teitei hai Soteithe kinou soushee shahpeiyu vanou neletao nou Apei hi rarouwu?

2 KORINTHMAI 4:15

Haitao pfüphou hai neleye donou baie; alia Ramai zhuvea nou maikhe mai hi poulailaia velouyu kisü, maikhe mainou Ramai kathe souloure donou kalo paoyu vei veachi nasü koushoa paotalai.

PAODAKHAIYU CHIKHA 5:12

“ ‘Soteithe zhousü reilo, alia süzhou hai shee-a khailo.

PAODAKHAIYU CHIKHA 5:14

ana teithe anai zhousü neletao Ramai Mapao donou soteithe soulai. Haizhou sü neletao nou vah soulai moe, neletao nahmai, kilai mai, kikhaorü moyuma neletao teidei hinou koa hrüyu shetumai ali koutea panou vah soulai moe.

KOLOSSEMAI 2:16

Südonou maitaliye panou neletaoye touso vanou moa kho-nüh reiyu vanou moa Khou Ashu reiyu vanou moa Soteithe reiyu vanou chi kuwuso.