MARK 2:26 - SHEEYU BAIBEL (BSI)

²⁶ Südonou puhnou Ramaiki hi taloulou-a Ramai hi posheelayu raokhao nasü toue. Haihai Abiathar nou napao peichawo soubuki pae. Eh razhai thaifüa raokhao sünasü napaomaitao likhei toulou veibaie, ana David nou süsü toue ea puh maikhemai hi koutea peie.”

MARK 2:26 Iomraidhean Croise

2 SAMUEL 15:24

Levi mainou Zadok napao koa Ramai vei Vo Sübvü nasü kaopoa nou ta-e. Vo Sübvü sünasü maikhe mainou nuhdu tala loumo koute posho khaiwure, alia Napao Abiathar nou puletao tala loumosa sü ratho-a posheela peie.

2 SAMUEL 15:29

Südonou Zadok alia Abiathar nou Vo Sübvü nasü poloua Jerusalem hi dakhai tare alia sühinou ve bure.

2 SAMUEL 15:35

Napao Zadok ae Abiathar puhai-a sühi bue. Nenou veo ki hinou daidai sülou chou louyu teitei sü puhai hi ve paopeio.

2 SAMUEL 20:25

Sheva nou chi-lou kuyu vei rü-apeio sü soue;

2 SAMUEL 8:17

Ahitub nahpoutu Zadok alia Abiathar nahpoutu Ahimelek nou napao soupeie; Seraiah nou vahbu hi rü-apeio hai soupeie.

1 VEMAITO 1:7

Süthaisü puhnou Zeruiah nahpoutu Joab alia napao Abiathar ye lathao loure, ae puletao nou Adonijah ye soukhare donou ae-ao souloure.

1 VEMAITO 2:22

Solomon nou chila peie, “Ne daivanou Abishag sü Adonijah ye peio tea nou khowe? Puhye donou vedei hai-a peio tea kholoua bailaidao; daiolouzü puh sü avei jürai baie, alia napao Abiathar ae Joab hai puhye thaiko-a nou bue.”

1 VEMAITO 4:4

Jehoiada nahpoutu Benaiah nou Reihmai Peikhowo sü soue. Zadok alia Abiathar nou napao soue.

1 PUOPAOKO 24:6

Rako dazhuyu hisü Eleazar ae Ithamar vei tyaomai nahmaitao nou reirei po-e. Süthaisü puletao vei zhih hai Levi maivei rü-apeio Nethanel nahpoutu Shemaiah nou rüpeie. Hai khesü David Veo, puhvei peikho maitao, napao Zadok, Abiathar nahpoutu Ahimelek, ae napao maivei kihikha mai hi peikho mai hrülai alia Levi mai hrülai nou shaki sü soupeie.

MATHIU 12:4

Puhnou Ramai kihi talouloua, razhai thaifüa puletaoye donou tounoukhaia, ana napaomaitao likheinou toubailaiyu Ramai hi poshee layu raokhao nasü puh ea puhmaitao nou toue.

MARK 2:25

Jisu nou chila peie, “David ea puhye koa laimai taonou moshilaiyu ea houyu phaki puhnou daisoue touyu vanou neletao phoukhai mohiwu?

1 SAMUEL 21:1

David nou Nob nuh hinou buyu napao Ahimelek hisü tuve-e. Ahimelek nou ngaopi shopoa tapa puhye süloua chi noue, “Ne daisounou mailia samoa hai hi vewe?”

1 SAMUEL 23:6

Ahimelek nahpoutu Abiathar nou turei paloua Keilah nuhdu David nou buyu hi tuveyu phaki, puhnou ephod poloua nou ve-e.

1 SAMUEL 23:9

Saul nou puhye soushire donou souda-a bure touyu sülou khaie, David nou Abiathar hi paoe, “Ephod nasü hai hi pokou.”