MARK 2:2 - SHEEYU BAIBEL (BSI)

² Südonou mai alaosou tave dzüloure, alia süvanou sühisü puletaoye donou buh hare ea kikhu nghojü koute hazheire; alia puhnou chipao nasü puletao hi paodoupeie,

MARK 2:2 Iomraidhean Croise

LOUTAO 40:9

Oh Mapaowo, nevei maitao nou vejüa buyu hrohinou nenou Etaoye khailupa peiyu ko aveih nasü paongaolai. Enou ko hai khesü thaokhai toumoa pao-a buyu sü nenou süwe.

MATHIU 5:2

Alia puhnou puletao hi haibüa doupeishu tare:

MARK 1:14

Johanye niloua hukhahi thouyu thaisü, Jisu nou Galilee hi taveloua Ramai Vedei vei ko avei nasü paodoue,

MARK 1:33

Alia nuhdu sühi maikhemai hrülaisü kijü hinou tave dzüa buloure.

MARK 1:37

alia puletao nou puhye ngaoloukhaie puh hi paoe, “Mai hrülainou neye phoua bure.”

MARK 1:45

Ana mai honanou taho buh liki ko süsü paorarou tare. Cheche vuzünou puhnou alaosou paoyu donou Jisu sü nuhdu hi dua taloulou shire, ana puh sü zheihzheihyu buhtao hinou ho butare, alia maikhemai sü buh liki hinou puh hi taveloure.

MARK 2:1

Alia puhnou teithe daotuthai Kapernahum hi khaiveyu kisü, puh hai kihi bure touyu kosü kubou loure.

MARK 2:13

Süthaisü Jisu sü Galilee zaipe hi tapu khaire; alia maisounou puh hi tavedzüa buloure, alia puhnou puletaoye doupei tare.

MARK 6:34

Jisu nou sakhao hinou tapa louyu kisü, puhnou maisouduye ngaoloure, alia puh lehai puletaoye zhuvea leshinou phouloure, daiolouzü puletao hai Zhaokhowo hayu zhaotu büe. Südonou puhnou puletao hi ha tyali doupei tare.

LUK NOU RÜYU KO AVEIBVÜ 12:1

Teile süpha hinou mai the taoli tavedzüa puletao alinou aliphi tai-a buyu hinou, puhnou raia puh rozümai taohi paoshu tare, “Pharisee maitao vei kheih, süolouzü puletao vei aveikho souyu vanou zhutoulo.

LUK NOU RÜYU KO AVEIBVÜ 5:17

Naiteitheli Jisu nou doupei-a buyu kisü, sühisü Galilee, Judea, alia Jerusalem hi nuhdu teitei hinou tavelouyu Phariseemaitao ea razhai dou-apeimaitao sü bue; alia sounou souvei peiloure Mapao vei khoukosü Jisu ye koa bue.

LUK NOU RÜYU KO AVEIBVÜ 8:1

Süthaisü thashoa Jisu nou Ramai vedeivei ko avei nasü paodoupoa nuhdutao hi ea kukhe nuhtao hi tare. Alia rozümai kiahaitao-a puhye koa tae,

LUK NOU RÜYU KO AVEIBVÜ 8:11

“Chuo nada sünavei ko louzü haikue: Thoutai sünasü Ramai vei chipaoe.

SEI-ATAMAI VAHTAO 11:19

Chuo Stephan ye southeayu ki souveayu süna hinou porarou poa tayu lüloumai taonou mai kukhe moa Jihudimaitao hi likhei kosü paodoupeia Phoenikia, Kupra ea Antiok hi koute doua tare.

SEI-ATAMAI VAHTAO 14:25

Alia puhai nou Perga hinou ko avei sü paodou peiwu-a Attalia hi takoure,

SEI-ATAMAI VAHTAO 16:6

Alia Rako Mashinou puletaoye panou Asia teidei hi ko paodou bayu donou puletao nou Phrugia ea Galatia teidei tachopoa tare.

SEI-ATAMAI VAHTAO 8:25

Alia puhai nou Mapao vei chipao sü zhopaoh souloua ea maikhemai hi paodou peiwu-a Samaria tamai nuh taoli hi ko avei paodoupo-a Jerusalem hi dakhai vere.

ROMMAI 10:8

Sünanou paoyuwo louzü haikue: “Ramai chipao hai ne ngheiki hi, ne taihi, ne lethouhi bue,” (süolouzü, Eletao nou paodouyu lüvei chipao sünaye paoe).

2 TIMOTHI 4:2

Chipao nasü paodoukhaio, teile veikia, teile shikia paodou loure donou telo; nenou shameayu teitei noupu doupeiyu nou koa paothou louche peikhaio, zü-a tukhapeio, alia le souho peikhaio.