MARK 2:17 - SHEEYU BAIBEL (BSI)

¹⁷ Alia Jisu nou süsü choulouyu kisü puletao hi paoe, “Pfüphao veimai donou pou-apeimaiye koyu hae, ana lishimai donou likhei kobaie, Enou acheche maiye kure donou vemoe, ana mahmaiye donou baie.”

MARK 2:17 Iomraidhean Croise

ISAIAH 1:18

Mapao nou paoe, “Tavelo, Etao koa nou tsülou-a chi phazho laikhe. Neletao vei mah hai homara-a buyuma Enou vüra jünou soukaapu peilai, ae zhe büa hothou teiküa buyuma Enou phakaa büa soukaa peilai.

ISAIAH 55:7

Mai ashi maiye panou puletao vei ludu nasü thaokhaio, ae cheche moyu maiye panou puletao vei tsüle ashi nasü thaowo. Puhye sü panou Eletao Ramai Mapao hi dakhai velo, sübüa puhye sü panou puh vei zhuvea leshi ae khailu peiyu nasü ngaolo.

JEREMIAH 17:9

“Thaonou mai ali vei tsüle hai süloulai? Hai nasü veishi jünou shikayu nasüe; hai nasü souvei loure hai tatei shore.

MATHIU 18:10

“Neletao nou taikayu haitao aliye ngaophou moyu soumore donou zhutoulouo; daiolouzü Enou neletao hi paowe süolouzü rakinou puletao vei rakivamai taonou rakibu Apuo zhusü teisanou zhua bue.

LUK NOU RÜYU KO AVEIBVÜ 15:10

Sübütoua, Enou neletao hi paowe, le dalouyu mahmai ali donou Ramai vei rakivamaitao nou sashowe.”

LUK NOU RÜYU KO AVEIBVÜ 15:29

ana puhnou puh puohi chila peie, ‘Zhukhaio, po haizhozhou sü kilai ali büa Enou nevei kuvah soua bue, alia Enou hakia nevei kharochi nasü züba moe; sütoukhaia Eye panou Asamaitaoye koa sazhore donou nghitu ali koutea nenou Ahi peikhai mohie.

LUK NOU RÜYU KO AVEIBVÜ 15:7

Sübütoua, Enou neletao hi paowe, le daloure matsü hayu cheche maitao raikükü jünou le dalouyu mahmai ali süna donou raki hinou lesa koulai hie.

LUK NOU RÜYU KO AVEIBVÜ 16:15

Ana Jisu nou puletao hi paoe, “Neletaosü maikhemai nghojünou lah cheche khayu maitao baie, ana Ramai nou neletao lesü süwe; daiolouzü maikhemai hrohinou paoshoyu nasü Ramai nghojüwo louzü ngaorayuna baie.

LUK NOU RÜYU KO AVEIBVÜ 19:10

Daiolouzü Mai Nahpoutu nou hawuyu naye phoure ea khailu peire donou ve-e.”

JOHAN 9:34

Puletao nou puh hi chila peie, “Ne sü mahnou züa nakou khaitoue, alia nenou Eletaoye doupei laiwu?” Alia puletao nou puhye hulaire.

JOHAN 9:40

Buh sühinou puhye koa buyu Phariseemai kamainou süsü chouloua puh hi paoe, “Eletao-a nghi chawu?”

SEI-ATAMAI VAHTAO 20:21

Enou Jihudimaitao hi-a ea Greekmaitao hi-a süolouzü puletao nou ledaloua Ramai hi dakhai veloure ea Eletao Mapao Jisu ye lüloure donou zhopaoh soua paodoupeie.

SEI-ATAMAI VAHTAO 26:20

ana raikia Damaska hi buyu maitao hi, süthaisü Jerusalem hi ea Judea teidei teitei hi, alia tahrüh kukhemai hi puletao nou le davuzüloua Ramai hi dakhai vere ea puletao le daloure touyu zhopaoh soure donou vahnou soungaokhaio tea Enou paodoupeie.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.