MARK 16:19 - SHEEYU BAIBEL (BSI)

¹⁹ [Südonou Mapao Jisu nou puletaoye koa chi phalouyu thaisü puhye sü rakihi pokhere ea Ramai bahkha zhoulonou buloure.

MARK 16:19 Iomraidhean Croise

LOUTAO 110:1

Mapao nou avei paopu hisü paoe, “Enou neye ngaobayu maitao hai nevei phi khevai pothou khailoumo koute abah zhoulo vanou bulo!”

MARK 16:20

Alia rozümaitao nou taloua buh likinou ko paodou tare, alia Mapaowo nou puletaoye koa vahsoue ea puletao nou souyu sheetao nou puletao vei paodouyu hai cheche-e touyu hai lapeie.]

LUK NOU RÜYU KO AVEIBVÜ 22:69

Ana chu shonou Mai Nahpoutu sü Ramai khoukovei bah zhoulova hinou butalai.”

LUK NOU RÜYU KO AVEIBVÜ 9:51

Alia Jisu ye rakihi pokhewu laiyu teithe ngheikouyu kisü, puhnou Jerusalem hi tare donou le latouloua sühilo pah pfürei loure.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 17:13

Ana chuo E nehi tavewe; alia Avei asah nasü lah puletao lehi liche-a buloure donou Enou deiphao bubu kinou chi haitaohai paowe.

JOHAN 20:17

Jisu nou puh hi paoe, “Eye deiso, daiolouzü E Apuohi khelou mohie; ana Athaihou jürai taohi taho puletao hi haikua paokhaio, ‘Esü Apuo ea neletao Puo, A Ramai ea neletao Ramai hi kheta-e.’ ”

JOHAN 21:15

Puletao nou toulou cheyu thaisü Jisu nou Simon Pitar hi noue, “Johan nahpoutu Simon, haitao jünou nenou Eye leshi kouhimoe?” Puhnou chila peie, “Ovai Mapao, Enou neye leshie touyu sü nenou süwe.” Jisu nou puh hi paoe, “Azhaotaoye vaipei khaio.”

JOHAN 21:22

Jisu nou puh hi chila peie, “E khaivemo koute Enou puhye panou hria bunülouzü, sünanou neye donou dai bue? Athai fülo!”

JOHAN 6:62

Sükulouzü neletao nou hakinou Mai Nahpoutu nou raiki puhnou buyu buh hi takheyu ngaolouzü kakulai?

SEI-ATAMAI VAHTAO 1:22

Mapao Jisu nou Eletao hrohinou takou takhe-a buyu teile teitei hi Eletaoye koa laivuzüyu maitao hrohinou aliye panou Eletaoye koa puh hrishuyu zhopaoh soure donou dothou vuzülai.”

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 3:21

Dao rainou Ramai nou puhvei sheeyu rachi paola maitaoye panou paopayu kua na teitei sü sou ashu khailoumo teile koute sü puhsü raki hinou bu vuzü bailai.

ROMMAI 8:34

Sübüyu thaisü, thaohnou puletao hi mah dukhailai? Khrista nou laiwu? Moe! Daiolouzü puhwo thailoua hrishu loure ea Ramai bah zhoulo vanou bua Eletaoye donou Eletao süh soua khoa bue!

KOLOSSEMAI 3:1

Neletao hai Khristaye koa hrishu loure touyu thaisü, Khrista nou Ramai bahkha zhoulo vanou buyu buh, reikouvei nataosü phoulo.

1 TIMOTHI 3:16

Alia Eletao rahrü zhaivei kheitsüna hai daizhozhou dusa touyu sü maitalinoua balouhoe; süolouzü: Puhsü emai zhu hinou ve ngaopeie, Rako hinou puhye sü souzüpeie, alia rakivamaitao nou puhye sü ngaoe. Puh vanou tahrüh khemai hrohi paodoue, deiphao buh liki hinou puhye sü loucheloue, alia puhye sü rakihi pokhere.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

EBRIAMAI 4:14

Südonou rakitao tachopoa khetayu Ramai Nahpoutu Jisu, Eletao vei Napao Peichana buyu donou, Eletao nou füa buyu lü nasü soutao soua potoulou laikhe.

EBRIAMAI 6:20

Eletao sühsoua Eletao jünou raia Jisu nou buh sühisü talouloue ea Melkizedek vei napao zhai süna thaifüa puh hai teisa nou Napao Peichana souloure.

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

EBRIAMAI 8:1

Chuwo Eletao nou pao-a buyu ko teitei nasüwo louzü Eletao vei raki hi adusho vei vebuh bahkha zhoulo vanou chobua buyu haikuyu napao peicha nasü bue.

EBRIAMAI 9:24

Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure.

1 PITAR 3:22

Jisu Khrista hai raki hi khetare ea puhnou Ramai bahkha zhoulo vahinou bu-a rakivamai hrülai pei hi, alia kukhe raki vanou paopu souyu ea khouko buyu rakotao pei hi tukha-a buloure.