MARK 16:16 - SHEEYU BAIBEL (BSI)

¹⁶ Loucheloua dzükhao dalouyu mai talinou khailu loulai; louchelou momai taliye sü mah dukhaiwulai.

MARK 16:16 Iomraidhean Croise

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

MARK 1:15

alia haibüa paoe, “Teile sü vetere, alia Ramai Vedei sü ngheiteire! Ledalo ea ko avei nasü louchelo!”

LUK NOU RÜYU KO AVEIBVÜ 8:12

Ludu hi dekouyu thoutai taosü choulouyu maitaoe; ana puletaoye panou louchelou more ea khailulou more donou rashi nanou taveloua puletao vei le hinou chipao nasü potalou baiwe.

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:29

Jisu nou puletao hi chila peie, “Ramai vah louzü puhnou seivekhai touyu sünaye neletao nou loucheyu süna süe.”

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

JOHAN 8:24

Südonou neletao hai neletao mah hinou thailai tea Enou paoe; daiolouzü ‘E-e touyu puhsü E-e’ tea neletao nou louche molouzü neletao vei mah hinou neletaosü thailai.”

SEI-ATAMAI VAHTAO 10:43

Alia puhzhih khouko vanou puhye loucheyu mai talinou mah hinou khailu louyu sü ngaoloulai tea puh vanou rachi paolamai hrülainou zhopaoh peikhaitoue.”

SEI-ATAMAI VAHTAO 13:39

Moses vei razhainou neletaoye mado soupeilou hoyu teitei hinou chuo puhye louche louyu mai hrülaiye mah teitei hinou mado soupeire.

SEI-ATAMAI VAHTAO 13:46

Sükisü Paul ea Barnabas nou khuvei puloua paoputa khaire; “Ramai chipao hai rairaikaia neletao hi paongao peirepha vuzüe. Ana neletao nou süsü pobayu vanou ea neletao lah teisa ahrihai ngaozümoe tea cholouyu vanou zhukhaio, chuo neleye thaowu-a Ehwo tahrüh kukhe mai hi talai.

SEI-ATAMAI VAHTAO 2:38

Alia Pitar nou puletao hi paoe, “Le dalo, alia neletao mah khaipeire donou, neletao mai ali linou Jisu Khrista zhih hinou dzükhao dalo; alia neletao nou Rako Mashi vei sapeina nasü ngaoloulai.

SEI-ATAMAI VAHTAO 2:41

Südonou puh chipao polouyu maitaoye sü dzükhao dapeire, alia teithe süzhounou mai the asüpha puletao mehi thoupu peire.

SEI-ATAMAI VAHTAO 22:16

Alia daidonou ne chu chao-a bue? Shulouwo ea dzükhao dalouwo, alia puh zhihsü kua ne mahtaosü khrüshee louwo!’

ROMMAI 3:6

Süsü movuzüe! Ramai hai cheche molouzü, kabüa puhnou deiphao maiye chikulai?

ROMMAI 4:24

Sütaosü chechemaie tea polou laiyu Eh Mapao Jisu ye athai hinou sou hrishu peiyu puhye loucheyu Eletao donou-a rüthou khaitoue.

2 THESSALONIMAI 1:8

Sükisü Ramaiye bayu ea Eletao Mapao Jisu vei Ko Aveina zübayu puletao pei hisü tudee peilai.

2 THESSALONIMAI 2:12

Sübüa acheche naye sü louchemoa mah hinou vashoa hrüa buyu maitao hrülaiye mah-e tea chikukou peiwulai.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 PITAR 3:21

süsü chu neletaoye khailu peiyu dzükhao dayu sünavei nada alie. Sünasü vasou hi hai khükouyu süna moe, ana süsüwo peikhao leikei-a Ramai hi apaokhai touyu alie. Sünanou neletaoye Jisu Khrista hrishu louyu vanou khailupeie.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”