MARK 16:15 - SHEEYU BAIBEL (BSI)

¹⁵ Puhnou puletao hi paoe, “Deiphao teiteihi taholoua emai hrülaihi ko avei nasü paodou peikhaio.

MARK 16:15 Iomraidhean Croise

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

LOUTAO 96:3

Puhvei kathe nasü tyahrütao hi paopeio, puhvei khupayu vah khesü mai hrülai hi shapao peio.

LOUTAO 98:3

Puhnou Israel maitao hi apaokhai touyu nasü thaifüa puhnou puletao hi chilee cheche-a ae tobai soumoa leshi peie. Etao Ramai nou veilouyu nasü deiphao mai hrülai nou ngaoloure.

ISAIAH 45:22

“Deiphao hi hrüa buyu mai hrülai, Ahi dakhai velo ae khailulo! Daiolouzü E likhei Ramai sü baie.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 52:10

Mapao nou puhvei sheeyu bah sü thaipalai, puhnou puhvei maitaoye sü khailu peilai ae süsü deiphao mai hrülai nou zhingaolai.

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

MARK 13:10

Alia akhai vemo jühinou, ko aveihai tahrüh hrülaihi raia paodou vuzülai.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 20:21

Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

SEI-ATAMAI VAHTAO 1:2

süolouzü puhye raki hi pokheyu teithe koute vei ko teitei sü Enou rüwure. Puhye raki hi pokhemojü puhnou Rako Mashi khouko vanou dopa louyu puhvei sei-atamai taoye chikha pei-a doupeie.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

ROMMAI 10:18

Ana Enou noue: Puletao nou chipao süsü choumoe touyu sü chechewu? Cheche-a puletao nou chouloure daiolouzü sheeyu larübvü nou haibüa paoe: “Puletao paisü deiphao teitei hi hotere, alia puletao chipao sü deiphao akhaihi veloure.”

ROMMAI 16:26

Sütoukhaia chuo, rachi paolamaitao vei larübvütao vanou achechena süsü dua vakouhi popa ngaopeire; alia mai hrülaiye panou loucheloua züloure donou akhai hayu Ramai vei chikhanou süsü tahrüh hrülai hi paosü peire.

EPHESAMAI 2:17

Südonou Khrista nou tavelou-a Ramai hinou doua buyu tahrüh kukhe neletao hi, alia puhye nghei-a buyu Jihudi maitao hi kaonayu vei ko avei nasü mai hrülai hi paodou peire.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

KOLOSSEMAI 1:6

Neletao nou Ramai zhuvea choulou raiki ea süsü chechewe tea sülourai kihinou shua neletao hronou buyu büa, Ko Avei nanou thaokhaimoa ha pove peiwe ea süsü deiphao teiteihi-a paodoupoa tawe.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

PONGAOPEIYU 14:6

Süthaisü kukhe rakivamai alinou deiphao hi hrüa buyu maikhe maitao, süolouzü maitya, khü, la ea tahrüh hrülaihi paongao peire donou teisa vei ko avei nasü poa ratei tsüle hinou kushoa zhao-a buyu sü Enou ngaoe.