MARK 16:14 - SHEEYU BAIBEL (BSI)

¹⁴ Akhai khailai hinou Jisu nou puh rozümai kialitaonou toua buyu hinou tave ngaopeie. Alia puletao nou louche bayu ea le khouleyu vanou puhnou puletaoye züpeie, daiolouzü puh hrishu louyu ngao-a bumaitaoye puletao nou louche peimoe.

MARK 16:14 Iomraidhean Croise

MAIPEI PHOUYU 14:11

Mapao nou Moses hi paoe, “Mai haitao nou teile kasho Eye khaitya bukou laige? Enou khupayu vah haso alao soungao peiyuma mai haitao nou teile kasho Eye louche moa bukou laige?

MATHIU 11:20

Jisu nou puhvei khupa vah souyu buh nuhdutaohi maikhemai nou leda moyu donou nuh sütaoye züa paoe:

MATHIU 17:20

Jisu nou puletao hi paoe, “Haihai neletao vei lü buche moyu vanoue. Daiolouzü Enou neletao hi chechenou paowe, neletao vei lühai javu thoutaile bulouzü, neletao nou deichi hainahi, ‘Haihinou hohi kouwo!’ tea paolou süe, alia sünanou tabailai; alia neletao hisü soulouhoe touyu hatalia bulaimoe!”

MATHIU 28:17

Alia puletao nou puhye ngaolouyu kisü, puhye khurüe; ana kamainou lekiloure.

MARK 7:18

Alia puhnou puletao hi paoe, “Neletao sümowu? Sükuyu thaisü neletaowo mai kukhetao jünou sükoukhai more. Vakounou lekhehi louyu hatalinou maiye souzhai peilou hoe,

LUK NOU RÜYU KO AVEIBVÜ 24:11

Ana naotumai taonou paoyu chi sütaosü puletaoye donou chaochao soua müroyu büloua puletao nou puletaoye sü louche peimoe.

LUK NOU RÜYU KO AVEIBVÜ 24:25

Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao!

JOHAN 20:25

Südonou rozümai kukhe taonou puh hi paongaoe, “Ehwo Mapaoye ngaoloure.” Ana Thomasnou puletao hi paoe, “Enou puhbah hinou hushu zheemü ngaomo sasü, alia Abah tounou hushu zheemü taohi thaithou mosasü, alia Abahnou puh nahi thaithou molouzü, Ewo louche laimoe.”

JOHAN 20:26

Teithe acha thaisü, puh rozümai taosü kikha hinou vedzüa bupukhaire, alia Thomas-a puletaoye koa bue. Kikhu taosü khukhaitoue, ana Jisu nou tave puletao hrohinou laloua paoe, “Neletao hi kaonayu buloutheo.”

JOHAN 20:27

Süthaisü puhnou Thomas hi paoe, “Ne bahtousü haihi thaithouwo, ea Abah sü zhukhaio; alia nebah topaloua Anahi thaithoukhaio, lü ha-a buwuso, anou louchelo.”

JOHAN 21:1

Haithaisü Jisu nou Tibiria zaipe hinou puh rozümai taohi tave ngaopu peikhaie; alia puhnou haibüa ngaopeie.

JOHAN 21:14

Chuo haina hai Jisu nou athai hinou hrishu louyuthai rozümai taohi ngaopeiyu lüh asü chenae.

SEI-ATAMAI VAHTAO 1:3

Puhvei vea-hoyu thai teithe raidai levai hinou puhsü hriwe touyu sü motoulou hoyu zhopaohnoupu lüh taoli lah puhnou puletao hi ve ngaopeie. Alia puletao nou puhye ngao-a buyu hinou puhnou puletao hi Ramai Vedei vanou chi paongao peie.

1 KORINTHMAI 15:5

alia puhnou Kephas hi ea süthainou sei-atamai kiahaitao hi ngaopeie.

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.