MARK 14:41 - SHEEYU BAIBEL (BSI)

⁴¹ Puhnou lüh asü chena khaikouyu kisü, puhnou puletao hi paoe, “Neletao chu koute-a zhia ea soa buwu? Tai süre! Phasü vere! Zhukhaio, chuo Mai Nahpoutuye sü mahmaitao bah hi thoupeire.

MARK 14:41 Iomraidhean Croise

1 VEMAITO 18:27

Hea touchü kouyu phaki Elijah nou puletao ye konüa paoe, “Pai chipua nou veachi paokhaio! Puh sü rah-e! Puh sü tsücho-a buyuma sülou hoe, moa so-a bubulai, mokhaiyuma buh kukhe hi veita bulai! Molouzü puh hai zhi-a memua nou bulai, neletao puhye kailo!”

1 VEMAITO 22:15

Puh nou Veo Ahab nghoujü hi veyu phaki, veo nou puh hi noue, “Mikaiah, Veo Jehoshaphat ahai koa nou Ramoth Gilead hi reih hulou laiho, bailaige?” Mikaiah nou chila peie, “Reih hulou khaio, Mapao nou neye veilouyu sü peilai.”

2 VEMAITO 3:13

Elisha nou Israel maivei veo hisü haibüa chila peie, “Enou neye daivanou soukha peilai? Ne pfüpuo nou phakuyu rachipaola peiyu maitao hinou taho nouloua baio.” Joram nou chila peie, “Moe, Mapao nou veo mai Etao asüye Moab maivei veo bah hi thaothou peiyu phare.”

KOPAODOUWO 11:9

Oh nahlepunare, ne nahle-a bukinou lesalo, alia nevei nahleyu teithetao vanou neye sü panou ne le sousavalo; nenou jüpayu ludu alia nghithou nou ngaoveiyu hisü takhaio. Ana haisü sülouo, akhai hisü hai teitei vanou neye Ramai nou chikulai.

EZEKIEL 20:39

Ramai Mapao nou paoe, “Oh Israel maitaore, chuo neletao nou avei chi zülai moe toulouzü, lah neletao vei jüpa sü soua basharataoye tho tawo. Ana Enou neletao hi paopi peiwe, süolouzü haithai hai neletao nou avei chi sü zülai ae basharatao hi posheela sü peia avei sheeyu zhih sü tsükhou moyu soupulai moe.

MATHIU 26:2

“Teithe ahai thaisü Tachonüh hai velaire touyu sü neletao nou süe, alia Mai Nahpoutuye kros vanou veatheare donou thoupeiwulai.”

MARK 14:10

Süthaisü kiahai hrohinou ali soua buyu Judas Iskariot nou Jisu ye napao adumaitao bah hi shohdo southou peire donou puletao hi tare.

MARK 14:18

Alia puletao nou arübuh vanou toua bubu kinou, Jisu nou paoe, “Enou chekhaoa neletao hi paoe, neletao hrohinou alinou süolouzü Eye koa touyu nanou Eye shoh soupeilai.”

MARK 14:35

Alia puhnou nghojülo tadouphou kouloua deiphinou kou kaoloure ea soulou veilouzü veahoyu teile nasü puh hinou polata peire donou veachi paotare.

MARK 14:40

Süthaisü puhnou rozümaitaohi khaikoupue ea puletaoye zhia ngaoloure, daiolouzü puletao nghisü süübeire; alia puletao nou puh hi dai chila peilaisa touyu sükhai more.

MARK 14:42

Shulouwo, Eletao talairekhe. Zhukhaio, Eye shoh soupeiyu nasü haihi bure!”

MARK 7:9

Alia Jisu nou thaomoa puletao hi paoe, “Neletao hi lah neletao nou doupeiyu zhai nasü reih loure donou Ramai chikha polai loure kaishoyu do ali bue!

MARK 9:31

daiolouzü puhnou puh rozümaitaoye haibüa doupeia bue: “Mai Nahpoutuye maikhemai bah hi thoupeiwu-a puletao nou puhye southeawulai; alia puhye southeawu louzü, teithe asü thaisü puh hrishulai.”

JOHAN 12:23

Alia Jisu nou puhai hi chila peie, “Mai Nahpoutu nou kathe souloure phasü veloure.

JOHAN 12:27

“Chuo Alehai veasho loure, alia Enou dai paolai? ‘Apuo, pha teile haina hinou Eye khaipapeio’ tea Enou paolaiwu? Moe, soure vah haina donou Enou pha hainahi velou loure.

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

JOHAN 7:30

Südonou puletao nou puhye niloure donou phoue; ana maita linoua puh pei hi bah khakhai moe, daiolouzü puh phasü velou mohie.

JOHAN 8:20

Puhnou chi haitaosü Rathoki hinou doupeia bubuki Sheelayu sübvü khaiyu kidena hinou paoe, ana maita linoua puhye nilou moe, daiolouzü puh vei phasü vetelou mohie.

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.

CHIKUAPEI MAITAO 10:14

Neletao nou tho-a buyu rahtao hinou soukha kholo ae neletao nou veayu phaki puletaoye panou soukha peio.”