MARK 13:26 - SHEEYU BAIBEL (BSI)

²⁶ Sükisü Mai Nahpoutuwo nou dushoyu khouko ea khouko avanoupu teihao vanou taveyu sü puletao nou ngaolai.

MARK 13:26 Iomraidhean Croise

MATHIU 16:17

Alia Jisu nou puh hi chila peie, “Johan nahpoutu Simon, newo rako veishoe! Daiolouzü haihai ke-zhenou nehi pongao peimoe, ana haisü rakibu Apuonou nehi peibaie.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 24:30

Süthaisü ratei hinou Mai Nahpoutu vere shee nasü ngaolai, alia süthaisü deiphao hi Tahrüh khemai hrülainou khao khoulai, alia puletao nou Mai Nahpoutu nou khouko ea dushoyu khouko-ava nou pu raki teihao peinou taveyu sü ngaolai.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MARK 14:62

Jisu nou chila peie, “E-e; alia Mai Nahpoutu nou khoukhoulaiwo vei bah zhoulo vanou bua raki teihaopei vanou taveyu neletao hrülainou ngaolai!”

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

MARK 9:1

Alia puhnou puletao hi thaomoa paoe, “Chechenou Enou neletao hi paowe, Ramai Vedei hai khouko nou pu veyu ngaomo koute thailai moyu mai kamai buh haihinou la-a bue.”

LUK NOU RÜYU KO AVEIBVÜ 21:27

Alia sükisü Mai Nahpoutu nou khouko ea dushoyu khouko avanoupu teihao peinou taveyu sü puletao nou ngaolai.

SEI-ATAMAI VAHTAO 1:11

alia puhai nou paoe, “He Galilee hi maitaore, neletao daidonou haihinou la-a teihi zhia buwe? Neletao hinou raki hi pokheyu Jisu haina hai, neletao nou puhye raki hi khetayu ngaoyu taibüa, puhsü khaive khailai.”

1 THESSALONIMAI 4:16

Sükisü Mapao puhsü chikha peiyu pai-rao sünaye koa, alia rakivamai peichana vei pai naye ea Ramai vei bekho sünaye koa raki vanou takoulai. Alia sükisü Khrista hinou thaitayu khemai sütaonou raia hrishulai;

2 PITAR 1:16

Daiolouzü, Ehnou neletao hi Eletao Mapao Jisu Khrista nou adusho hinou khaive laiyu ko süna paongao peiyu kisü, daomaiko talinou sei-a paongao moe, ana lah Eh nghithou vuzünou puhvei adushosü ngaoe.

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.