MARK 13:11 - SHEEYU BAIBEL (BSI)

¹¹ Alia puletao nou neletaoye niloua chikuki hi saveyu kisü, neletao nou daichi paolaisa tea raia dowuso; teile veyu kinou, neletao hi peiyu talisü paokhaio. Daiolouzü neletao nou paoyu chipaotao sü neletao vei laimoe; sütaosü Rako Mashi hinou velai.

MARK 13:11 Iomraidhean Croise

2 SAMUEL 23:2

Ramai vei rako nou ahi haibüa nou paowe; puhvei chipao sü avei mü-lü hi bue.

ISAIAH 50:4

Ramai Mapao nou maiye doupei lousüyu mali sü ahi peiwure, sübüa Eye panou veaholai maiye le sousava peire donou paila aveih sü ahi peie. Shonatsü sü puhnou Eye doupeire khesü panou kei nüshoyu soupeiwe.

MATHIU 10:17

Maikhe maiye zhutoulo; daiolouzü puletao nou neletaoye niloua chikuki hi savelai, alia neletaoye rathobuhtao hinou dapeilai.

MARK 13:12

Maikhemai nou lah puletao thaihou jüraiye southeare donou thoupeiwulai, alia sübüa puomaitao nou-a puletao nahmaiye soulai ea nahmaitao nou-a puletao pfüpuo pei hi motouloua puletaoye southeawulai.

MARK 13:9

“Ana lah neletaowo leikei-a bulo; daiolouzü puletao nou neletaoye niloua chikuki hi savelai; alia neletaoye rathobuhtao hinou dapeilai; alia neletao hai Azhih donou puletao hi ko avei paongao peire donou teidei khomaitao ea vemaitao nghojühi ve lalai.

LUK NOU RÜYU KO AVEIBVÜ 21:12

Ana sütao teitei pamojü hinou puletao nou neletaoye niloua souvea-souholai. Puletao nou neletaoye rathobuh taohi ea hukhahi thoupeilai, alia Azhih donou neletaoye vemaitao ea teidei khomaitao nghojühi savelai.

JOHAN 3:27

Johan nou chila peie, “Raki hinou sünasü puh hi peimo louzü maita linou hatalia ngaolou hoe.

SEI-ATAMAI VAHTAO 2:4

Sühinou puletao hrülaisü Rako Mashinou phoupeiloua Rakonou puletaoye süpeiyu thaifüa kukuyu la hinou paoshu loure.

SEI-ATAMAI VAHTAO 3:13

Abraham, Isak ea Jakob Ramai, süolouzü Eletao puo-pao maitao Ramai nou puh kilai Jisu ye sü soudusho peiwure. Sütoukhaia neletao nou puhye sü southeare donou thoupeiwu-a Pilat nou puhye sü phapeire donou chi lükouyu ki koute-a neletao nou puhye sü Pilat nghojünou bare.

SEI-ATAMAI VAHTAO 4:31

Alia puletao nou veachi paocheyu kisü, puletao nou vedzüa buyu buh nasü nguloure; alia puletao hrülai sü Rako Mashinou phoupeiloua Ramai Chipao sü khuvei-a paoshu tare.

SEI-ATAMAI VAHTAO 6:10

Ana puhvei ratsü ea puhye panou pao-a buyu Rako nghojühi puletao nou lalou hore.

SEI-ATAMAI VAHTAO 6:15

Alia tsüme hinou chobua buyu maikhemai hrülainou puhye zhutei-a buyu kisü puhvei zhusü rakivamai zhukua ngaoe.

SEI-ATAMAI VAHTAO 7:55

Ana Stephan louzü Rako Mashinou phoupeiloua raki hi zhitei kheyu kisü Ramai vei khouko ava ea Ramai bah zhoulo vanou Jisu nou la-a buyu sü ngaoloua,

1 KORINTHMAI 2:13

Südonou emai tsüdokainou doupei khaitouyu chipaonou Ehnou paomoe, ana Ehnou Rako buyu puletao hi rako hilovei achechena paodou peiyu kisü Rakonou doupeiyu chipaonou paowe.

EPHESAMAI 3:5

Daoraiki teile hisü kheitsü haina vanou emai hi paongao peimoe, ana chuo Rako vanou kheitsü hainasü Ramai nou puhvei sheeyu sei-atamai taohi ea rachi paola maitao hi pongao peire.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

1 PITAR 1:12

Ramai nou rachi paolamai haitao hisü puletao vei vah hai lah puletao zhiloure donou moe ana neletao donou baie tea pongao peie, süolouzü chu neletao nou rakinou seikouyu Rako Mashi khouko vanou Ko Avei paosü peiyu rachi paopei maitao hinou choulouyu chi sütao vanou puletao nou raia paopeire. Rakivamai koutenoua chi haitao sü sülou nüshoa bue.