MARK 12:9 - SHEEYU BAIBEL (BSI)

⁹ Jisu nou noue, “Sükulouzü darkha kipei paopuwo nou daisoulai? Puhnou veloua mai sütaoye southeawulai ea darkha kipei nasü kipei khomai kukhehi peiwulai.

MARK 12:9 Iomraidhean Croise

ISAIAH 29:17

Haibüa paoyu tsüchi ali bue, süolouzü haithaio vaobvü hinou shinamara thou-a tah daoh toulai, alia tah daothou-a buyu dou khesü vaobvü data-a bailai.

ISAIAH 65:15

Neletao vei zhih sü Enou dolouyu maitaoye donou chaa ngaoyu mai tea kulai. Khoukhoulai Mapao, Enou neletaoye sü southawulai, ana achi züa buyu maitaoye sü Enou zhih ashu ali sapeilai.

JEREMIAH 17:3

ae deichi kuyutao ae nuh kijü hia sübüa soua laire. Neletao teidei teitei hisü neletao vei mah vanou neletao vei kini ae thoudzü veishi sü pa ngaobayu maitaoye nou saopoa talai.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

MATHIU 12:45

Süthaisü puhnou vakouhi taloua puh jünou shikouyu kukhe rashi anaiye save loure, alia puletao nou tave sühinou lou buh souloure. Sübüa mai sünavei hrümai nasü raikina jünou shipusho tare. Südonou ashi maikha haina hi-a sübüa palai.”

MATHIU 21:34

Darkha rashi haiyu teile veyu kisü, puhnou puh kilaimai taoye puhvei zha poloure donou kipei khomai taohi seive.

MATHIU 21:43

“Südonou Enou neletao hi paowe, Ramai Vedeihai neletao hinou potawulai ea sünavei rashi panou shilaiyu tahrüh kukhe lihi peiwulai.

MATHIU 22:7

Veosü lekhasho loure, alia südonou puhnou puh reihmai taoye seiho maiye southeayu taoye southeare ea puletao vei nuhdu nasü meinou deilaire.

MARK 12:10

Sheeyu larübvü buh haina hai neletao nou phoukhai mohiwu: ‘Ki souyu mainou lulaiyu chuh nasü veishi jünou matsüyu ki kainghou chuh daloure.

MARK 12:8

Südonou puletao nou nahpoutu sünaye sü niloua southeare ea puh pfüphao hai darkha kipei vakouhi polai pare.”

LUK NOU RÜYU KO AVEIBVÜ 19:27

Ana Eye panou puletao pei hi veo sounü moyu Avei ngaoba maitao donou louzü, puletaoye buh haihi saveloua Anghojü hinou southeawu wo!’ ”

ROMMAI 10:20

Ana Isaiah nou khuvei puloua paoe, “Eye phoumoyu maitao nou Eye ngaoloure; Eye donou noumoyu puletao hisü Enou ngaopeire.”

JOSHUA 23:15

Ana neletao nou vah ashi soulouzü, Mapao nou neletao hi vah aveih teitei souche peiyu büa, neletao yesü Puhnou peikhai touyu teidei hinou sou hakhai touwu bailai.