MARK 12:6 - SHEEYU BAIBEL (BSI)

⁶ Chuo seitarena hai mai sünavei leshi shoyu nahpoutu likhei baire. Südonou akhai khailai hinou puhnou puh nahpoutuye kipei khomaitao hi haibüa paoa seive-e, ‘Puletao nou Anahpoutuye tsükhou peivuzü shulai.’

MARK 12:6 Iomraidhean Croise

SHURAI 22:12

Süthaisü rakivamai nanou paoe, “Nahpoutuna pei hisü nebah khakhaiso, moa puhva hi halia souso, daiolouzü chuo Enou süloure, nenou leshi shoa buyu ne nahpoutu sü Ramai ye donou pangai moa alia Ramai ye pi-a khuhaowe touyu süloure.”

SHURAI 22:2

Ramai nou paoe, “Nenou leshi shoyu ne nahpoutu alikhei buyuna Isaakye saloua Moriah mai dei hi tawo, alia Enou ne hi ngaopei laiyu deichi ali hinou puhye sü Eye posheela peio.”

SHURAI 37:3

Puhnou chülouyu thainou nalouyu thaifüa Jakob nou Josef ye nahpoutu kukhetao jünou leshipu hie, alia puhnou hüvei shoyu zaocha ali puhye peie.

SHURAI 44:20

Etao nou chila peie, ‘Etao puo bue, puh sü chüloure, alia puhnou chüpayu thainou nalouyu Etao thaihou ali bue, ae süna jürai nasü thaire alia pfü ali hinou nayu nah sü puh likhu baire. Puh puo nou puhye alaosou leshi shoe.’

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 2:7

“Mapao nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

ISAIAH 42:1

Mapao nou paoe, “Enou jüpa-a dolouyu avei kilai nasü hainare, Enou puhye sü soukhou peikhai toue, ae avei rako sü puh hi thoupei khaitoue. Puhnou tyahrü hrülai hi kaozü nasü soupeilai.

MATHIU 1:23

“Zhukhaio, loumaina alinou poupfüloua nahpoutumai ali nalai ea puh zhih sü Emmanuel, (süvei kowo louzü, ‘Ramai nou Eletaoye koa bue’) tea kulai.”

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 26:63

Ana Jisu nou hachi lia paokhai moe. Alia napao peicha nanou puh hi paoe, “Hriyu Ramai zhih hinou Enou neye kharochi peia paowe, nehai Ramai Nahpoutu Khristae toulouzü Eletao hi paokhaio.”

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

MARK 1:11

Alia rakinou pai alinou haibüa shakoue, “Nehai Enou leshi shoyu Anah Poutue. Enou nehi sü rukhare.”

MARK 12:5

Kipei paopuwo nou kukhe kilai aliye seivekhaie ea puletao nou puhye datheare; alia puletao nou kukhemai taoliye-a sübüa kamaiye dapeie ea kukhe maiye southeare.

MARK 12:7

Ana kipei khomai taonou alinou lihi haibüa paoe, ‘Haihai paopuwo nahpoutu nasüe; tavelo, Eletao nou puhye southeawu laikhe ea puh kini taohai Eletao vei souloulai!’

MARK 9:7

Süthaisü teihao alinou puletaoye kou züloure, alia teihao hinou pailinou haibüa paoe, “Haihai Enou leshishoyu lah Anah Poutue; puhnou paoyu keilo!”

LUK NOU RÜYU KO AVEIBVÜ 3:22

alia Rako Mashisü pfüzhonou khao büa kou puh pei hi taoloure. Alia raki hinou pai alisü haibüa shakoue, “Ne sü Enou leshi shoyu Anah Poutue. Enou nehisü rukha shore.”

LUK NOU RÜYU KO AVEIBVÜ 9:35

Alia teihao süna hinou pailinou haibüa shala vewe, “Haisü Enou dolouyu Anah Poutue, puhnou paoyu keilo!”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:34

Enou süsü ngaoloure ea zhopaoh soua paowe süolouzü haina hai Ramai Nahpoutue.”

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 3:35

Puonou Nahpoutuye leshie, alia puh bah hi ha teitei thaothoukhai peire.

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

EBRIAMAI 1:6

Ana Ramai nou puhnah Poutu narai naye deiphao hi seikoureki haibüa paoe, “Ramai vei rakivamai hrülai nou puhye sü khurü vuzükhaio.”

1 JOHAN 4:9

Alia puh vanou Eletao hai hriloure donou Ramai nou puhvei likhuyu Nahpoutuye deiphao hi seikou peiwua, puh leshisü Eletao hi ngaopeiwure.

3 JOHAN 1:1

Atsüna hinou — Enou acheche hinou leshiyu Gaias hi rüwe.