MARK 12:2 - SHEEYU BAIBEL (BSI)

² Darkha rashi haiyu teile veyu kisü, puhnou puh kilai aliye puletao hinou puh zha poloure donou kipei khomai taohi seive-e.

MARK 12:2 Iomraidhean Croise

2 VEMAITO 17:13

Mapao nou Israel mai ae Judah mai hi puhvei kopaomai ae rachipaola peiyu maiye seive haibüa paopi peie: “Enou avei kilai rachipaola peiyu maitao hinou ae neletao vei puopaoh maitao hinou peikhai touyu chikha khesü zülo ae vah ashi souyu khesü bailo.”

2 PUOPAOKO 36:15

Puletao vei puopaoh Ramai Mapao nou puletao hisü rachipaola peiyu maiye seive paopi peizha zhawe, daiolouzü puh nou puhvei maitao ae Rathoki nasü souha moa khaipei nüe.

EZRA 9:11

Nenou Nevei kilai rachi paolayu mai hi haibüa paoe, ‘Neletao nou talou polou laiyu teidei nahai hashinou phoubue ae sheemoyu mai khaitie,

LOUTAO 1:3

Sümaisü reipe hinou shokhai toua teile teitei hinou rashithou shiyu, ae puhvei nghoua paikhai moyu süübe kheihao-e. Puletao nou hatali souyuma pah veilai.

JEREMIAH 35:15

Enou avei kilai rachipaolayu maitaoye neletao hi seive koute peie, ae puletao nou neletao hi vah ashi souyu khesü thaowua kaozü nasü soulo tea paopeie. Enou neletao vei puopaoh maitao hi peikhai touyu teidei hi teisa buloure donou puletao nou neletao hi rah kukheye thoso ae puletao vei kuvah souso tea paopi peie. Ana neletao nou achi sü keipei bare ae popei bare.

JEREMIAH 44:4

Enou tobai soumoa neletao hi avei kilai rachipaola maitaoye seive Enou ngaorayu vah haso soupfüso tea paopeie.

MIKAH 7:1

E hai daizhou koute veasa! Hrou-a laiyu mai ali nou rashibe hi ae darkhabe hi rashithou aliro ngaolou hoa laiyu mai ali büre. Darkha shithou ae doushi thou sü haikhai touloure.

ZEKHARIAH 7:7

Jerusalem alia süpehao hinou buyu nuhdu khemai nou vashoa hrüa buki, alia khelo deichi phihi nou mai alaosou hrüa bukinou Mapao nou daonou puhvei rachipaola maitao hinou haisü paopei mowu?

MATHIU 21:34

Darkha rashi haiyu teile veyu kisü, puhnou puh kilaimai taoye puhvei zha poloure donou kipei khomai taohi seive.

MARK 12:1

Süthaisü Jisu nou puletao hi nadanou paotare: “Teile lihi darkha kipei koyu maili bue, alia sünasü bokhanou kha sühaowure, alia darkha dzü süloure donou deibvüli raokhaire, alia reihkhaobuh ali soukhaire. Süthaisü puhnou darkha kipei nasü kipei khomaitaoye panou soulou-a teidei akuli hi veitare.

MARK 12:3

Kipei khomai taonou kilai sünaye niloua dapeire ea puhye sü sakhaia seida khaire.

LUK NOU RÜYU KO AVEIBVÜ 12:48

Ana puhvei züpayu sü süloumoa, dapei züdouyu vah souyu kilai naye sü khaiphoua dapeilai. Alaosou peikhaitouyu mai tali hinou alaosou kholai; alia maikhe mainou alaosou koua lüthoupei khaitouyu puh hinou puletao nou alaosou koua kholai.

LUK NOU RÜYU KO AVEIBVÜ 20:10

Darkha rashi haire teile veyu kisü, puhnou kilai aliye kipei khomai taohi puletaoye panou puh hi darkha rashi haiyu hinou puhvei zha sü poloure donou seive; ana kipei khomai taonou puhye sü dapeiwu-a panou puh bahsü sakhai-a seikhai tare.

EBRIAMAI 1:1

Raiki teilehi Ramai nou Eh pou-pao maitao hi rachipaola maitao vanou bo akuku hilonou vuh taoli chipao peie,