MARK 12:14 - SHEEYU BAIBEL (BSI)

¹⁴ Puletao nou puh hi taveloua paoe, “Dou-apeio, newo mainou daitea cholai touyu vanou domoa chichenou paobaiwe touyu hai Ehnou süe; daiolouzü newo maizhai zhumoe, ana Ramai vei ludu hai chekhaoa doupei baiwe. Kaisar hi kikha peiyu razhai buho hae, Eh hi paopeio? Ehnou süsü peilaiho, peilaimoe?”

MARK 12:14 Iomraidhean Croise

2 PUOPAOKO 18:13

Ana Mikaiah nou chila peie, “Mapao hai hriyu thaifüa, Ramai nou ahi paoyu nasü E pao-a bailai.”

2 PUOPAOKO 19:7

Mapao ye tsükhoulo, ae tsücho sei-a hrülo, daiolouzü neletao vei Ramai Mapao hai kaozü nasü porei laiyu, soude soukuyu ae seihla poyu haisü aetou moe.”

NEHEMIAH 9:37

Etao vei teidei hinou veisho-a peiyu thoudzü khesü veo maitao nou poloure, daiolouzü Etao nou mahmo khesü souwure. Puletao nou Etao hi ae Etao vei kikhaorü hi sounü thaifüa souloure, ae Etao hai veaho sholoure!”

LOUTAO 120:2

Oh Mapaowo, Eye dayu maitao ae shodo ashi souyu maitao hinou khailupa peio.

LOUTAO 55:21

Puhvei chipao lako hai laivoudzü jünou jüpu hie, ana puhvei tsüle hiolouzü ngaorayu nou phoutao-a bubaie; puhvei chipao khesü theadzü nakhai touyu büe, ana sütao nou khoche hei veiyu büa maiye zhizhu peiwe.

JEREMIAH 42:20

süolouzü neletao nou talai touyu sü thainüa nou ta-a baie. Neletao nou Eye Etao Ramai Mapao hinou veachi paopeio tea kho-e, ae puhnou kharochi peiyu veishi sü neletao nou soulai tea paohkhaitoue.

MIKAH 3:8

Ana Eye donou louzü, Mapao nou puhvei rako ae khouko sü peie, ae kaozü tsü nasü ahi peie alia Israel maitao hi puletao vei mah khesü paolouyu khuvei nahai ahi peie.

MATHIU 22:16

süthaisü puletao nou puletao vei rozümai kamai ea Herod mai kamaiye koa puh hi seive, alia puletao nou paoe, “Dou-apeio, nehai chechechi paowe ea nenou Ramai ludu hai cheche hinou doupeiwe touyu ea nenou maitali donou domoe touyu hai Ehnou süwe; daiolouzü newo maipah zhumoe.

MATHIU 22:17

Südonou nenou choyu nasü Eh hi paongaokhaio. Kaisar hi kikha peiyu hai razhai thaifüa ae touho mo touwe?”

MARK 12:13

Phariseemai kamaitao ea Herod memaitao kamaiye Jisu mah phoupa loure donou Jisu hi seive-a panou chinoue.

MARK 12:15

Ana Jisu nou puletao dosü süloua puletao hi chila peie, “Daidonou neletao Eye zhai zhuwe? Ahi husha ali povepeio, alia Eye panou süsü zhukhaio.”

MARK 14:45

Judas nou veloulou bükhaie, puhnou Jisu hi takouhaloua paoe, “Dou-apeio!” alia puhye münou mue.

LUK NOU RÜYU KO AVEIBVÜ 20:22

Eletaoye donou Kaisar hi kikha peiyuhai razhai thaifüa ae touho mo touwe?”

LUK NOU RÜYU KO AVEIBVÜ 23:2

Alia puletao nou puhpei hisü mah paodukhaia paoe, “Mai hainanou Eh tahrüye sümah tayu, Ehye Kaisar hi kikha peire hinou nuyu alia puhlah nou Khrista Veo nasüe tea paoyu sü Ehnou ngaoloure.”

JOHAN 7:18

Puh lah puh madonou pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae.

ROMMAI 13:6

Qo haina vanou neletao nou kikha peiwe, daiolouzü teidei khomaitao nou puletao vah souvete louyu kisü, puletao sü Ramaiye donou vah souwe.

2 KORINTHMAI 2:17

Eletaowo Ramai chipao souzhoyu kukhemai taoli sütao bümoe; ana Ramai nou Ehye süpeiyu donou puh nghojünou Khrista vei kilaitao büa Ehnou le loushoa chi paowe.

2 KORINTHMAI 2:2

Daiolouzü Enou neletaoye le souveawu louzü, Enou le souveayu neletao baimoa Eye le sousa peiremai thaoh buwe?

2 KORINTHMAI 4:1

Südonou Ramai nou puhvei zhuvea hinou kuvah hainasü souloure donou Eletao hi peikhaitoue, südonou Ehnou lekhaiyu soumoe.

2 KORINTHMAI 5:11

Südonou Mapaoye pia hrüyu hai daisa touyu sü Ehnou süloua, Ehnou maikhe maiye süpeire donou tewe. Ramai nou Eh lesü sükhaia bue ea nelenou-a nelevei lekhetsü hinou soutaosoua süpei shulai tea Enou chowe.

2 KORINTHMAI 5:16

Südonou chushonou Ehnou maitaliye emai zhai thaifüa chikukhai more. Teile alihi Ehnou Khristaye emai zhai thaifüa chikukhaia, chuo Ehnou puhye sübüa chikukhai more.

GALATIAMAI 1:10

Chu Enou emai vei ae-ao touyu phouho, Ramai vei ae-ao touyu phouwe? Moa Enou maikhe maiye sousa loure tewu? Chukoutea Enou maikhe maiye sousa loure te-a bulouzü, Esü Khrista vei kilai ali soua bulaimoe.

GALATIAMAI 2:6

Ana süthai-apeimai zhaisoua buyu maitaowo (Enou sübüa paoyu süolouzü puletao nou daidai soua bukhaia sünanou Ahi halia soukuyu hae; Ramaiwo maizhai zhumoe) puletao nou Avei chipao jünou halia thoupure hae.

PAODAKHAIYU CHIKHA 16:19

Checheyu nasü podalaiso moa soukuso. Seihla poso, daiolouzü seihla nou tsüvei mai nghithou soucha peiwe alia cheche maivei chipao sü porei peiwe.

1 THESSALONIMAI 2:4

Ana Ehye panou Ramai nou paonüyu sünanou Ehnou teisanou paobaiwe, daiolouzü Ko Avei nasü Ehyenou paodouzüe tea puhnou Eh bah hi lüthou peire. Ehnou mai züpa soure temoe, ana Eh tsüle süa buyu Ramai puh züpa soure donou baie.