MARK 11:18 - SHEEYU BAIBEL (BSI)

¹⁸ Napao adumaitao ea razhai dou-apeimainou süsü chouloure, südonou puletao nou Jisu ye southeare donou do phoushure. Puletao sü puhye piwe, daiolouzü maisou hrülainou puhnou doupeiyu hisü khupa loure.

MARK 11:18 Iomraidhean Croise

1 VEMAITO 21:20

Ahab nou Elijah ye ngaoloua puh hi haibüa paoe, “Nenou Eye ngaolourevu, Eye hraiyu mai nare?” Elijah nou chila peie, “Enou neye ngaoloure, daiolouzü ne sü Mapao vei nghingao hinou vah ashi likhei soure donou nevei tsüle sü peiwure.

1 VEMAITO 22:18

Ahab nou Jehoshaphat hi paoe, “Puhnou ahi haveih ali-a paolai moe tea Enou ne hi paomovu? Puhnou teisa sü shi-a pao baiwe.”

1 VEMAITO 22:8

Ahab nou haibüa chila peie, “Mapao vei leli nasü noupu loure mai ali bupu hie. Puh sü Imlah nahpoutu Mikaiah toue. Ana Enou puhye ngaora-e; daiolouzü puhnou avanou haliro vei-a paopei moe, ana ashi khaikho nou paopei-a baiwe.” Jehoshaphat nou paoe, “Veo, ne sübüa paoyu kaomoe.”

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

MATHIU 21:15

Ana napao adumaitao ea razhai dou-apeimai taonou puhnou khupa vahtao souyu ngaoloua ea nahmaitao nou rathoki hinou, “Hosana David Nahpoutu hisü!” tea shayu pai chouloua rarousho loure.

MATHIU 7:28

Alia Jisu nou chi haitao paocheyu kisü, maisousü puhnou doupeiyu chipaotao vanou khupa loure,

MARK 1:22

Alia puletaosü puhnou doupeiyu sü chouloua khupa shore, daiolouzü puh nou razhai dou-apeimai bümoa soulousü zü bumai alibüa puletaoye doupeie.

MARK 11:32

Ana Eletao nou, ‘Mai hinoue,’ tea paolouzü...” (Puletao sü maikhe maiye ngaopiwe, daiolouzü maikhemai hrülainou Johan hai rachi paolamai alie tea powe.)

MARK 12:12

Alia puletao nou Jisu ye niloure donou te-e, daiolouzü nada nasü puletaoye paobaie touyu sü puletao nou süloure. Ana puletao nou maisouye piyu vanou puhye thaowu-a tare.

MARK 3:6

Südonou Pharisee maitaosü rathobuh hinou tapare, alia puhye kabüa souhaloulai touyu vanou thalasou Herod memaitaoye koa chikhaitare.

MARK 6:20

Herod nou Johan ye piwe daiolouzü puhnou Johan hai maiveimai ea sheeyu maie touyu süe, alia südonou puhnou Johanye sü veitoua khaikhaitoue. Puh hai Johan chipao keiyusa puh le deichoyuma puhnou puh chihai sashoanou keibaie.

LUK NOU RÜYU KO AVEIBVÜ 19:47

Alia puhnou teisanou Rathoki hinou doupei-a bue. Ana napao adumaitao, razhai dou-apeimaitao ea maikhe maiye süthai-apeimai taonou puhye southeare donou phoue;

LUK NOU RÜYU KO AVEIBVÜ 2:47

alia puhvei chipao choulouyu mai hrülai sü puhvei tsü veishoyu ea kaishoyu chilatao sü chouloua khupare.

LUK NOU RÜYU KO AVEIBVÜ 20:19

Alia razhai dou-apeimaitao ea napao adumai taonou sübü hinou Jisu ye niloure donou te-e, daiolouzü puhnou nada sünasü puletao pei hi paokhai baie touyu sü puletao nou süe; ana puletao nou maikhe maiye piloure.

LUK NOU RÜYU KO AVEIBVÜ 4:22

Alia puletao hrülainou puh vanou paoveisho loure ea puh mü hinou paopayu zhuvea vei chipaotao vanou khupaloua haibüa puletao nou paoe, “Puh sü Josef nahpoutu mowu?”

JOHAN 7:1

Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

JOHAN 7:19

Moses nou neletao hi Razhai nasü peimowu? Ana neletao maili koutea Razhai nasü reimoe. Neletao daivanou Eye southeare phouwe?”

JOHAN 7:46

Reihmai taonou chila peie, “Mai haina büa maitalia chi paokhai mohie.”

SEI-ATAMAI VAHTAO 24:25

Alia acheche vanou, lahnou lahye tukhayu vanou ea thaikhai chikure vanou Paul nou pha-kuyu hinou Felix nou ngaopiloua chila peie, “Chuo ne ta-a bailai; Enou teile kao-avei ngaoyu kinou neye kudakhailai.”