MARK 11:14 - SHEEYU BAIBEL (BSI)

¹⁴ Jisu nou doushibe nahi paoe, “Maitalinoua ne hinou doushi toupukhai khailaimoe!” Alia puh rozümaitao nou süsü choue.

MARK 11:14 Iomraidhean Croise

MATHIU 21:19

Alia puhnou dupe hinou doushi beli ngaoloua sühi takoue, ana süva hisü sünghou baideinou halia ngaolou moe. Südonou puhnou süübe nahi paoe, “Nehinou shi lia shipu khaiso!” Alia sübü hinou doushi be nasü kirüh tare.

MATHIU 21:33

“Nada kukheli keikhaio. Teile alihi darkha kipei ali koyu ki paopumai ali bue, alia süna pehao hisü bokhanou khahaore, alia sühisü darkha dzü sühre donou deibvüli raokhaire, alia reihkhaobuh ali soukhaire, alia sünasü panou kipei khomaitaoye souloua teidei akuhi vetare.

MATHIU 21:44

(Alia maita linou chuh haina phaonou dulouzü puhsü zhusasawulai; ana chuh sünanou maitali pei hi dekou louzü, sünanou puhye reisasawulai.”)

MATHIU 3:10

Chukoute-a süübetao mahi mareisü daothou khaitoua bue; südonou rashi avei shimoyu süübetaoye sü vikaowu-a meihi polaithouwu baiwe.

MATHIU 7:19

Rashi avei shimoyu süübe taliye sü vilaiwu-a meihi polaithouwu baiwe.

MARK 11:13

Puhnou doukonou doushibeli sünghou nou bonoupoa buyu sü zhingaoloua sühinou doushilia ngaolaihi mosa tea taho zhue. Ana puhnou sühi takouyu phakisü sünghou khaikho ngaolou baire, daiolouzü sükihai doushi shiyu khouteile mohie.

MARK 11:15

Puletao nou Jerusalem hi velou louyu kisü, Jisu nou rathokihi talouloua sühinou na zhoa ea hrüa buyu mai hrülaiye hushu tare. Puhnou sühinou shanou lea-a bumaitao vei arübuh ea rahou zhoyu maitao vei buhnaatao sü popeishou laire,

JOHAN 15:6

Maita linou Ahinou tobai soumoa bumolouzü, puhye sü boli kua shilaiwu-a panou kita baiwe; alia sübüyu botaoye sü podzüloua meihi polaithou deiwu baiwe.

2 PITAR 2:20

Maikhe mainou puletao hi buyu Eletao Mapao ea Khailu-apeio Jisu Khrista vei tsü süna vanou deiphao vei ashi khouko süna hinou tupa louyu thainou khailou sütao hinou muloua sütaonou puletaoye kolou khailouzü, sükuyu mai haitao vei hrümai hai shurai jünou akhai nanou shikou shotare.

PONGAOPEIYU 22:11

Ashi soua buyu puhye panou ashi soua bukhaio, sheemoyu puhye panou sheemoa bukhaio, alia cheche-a buyu puhye panou cheche vah soua bukhaio, ea shee-a buyu puhye panou shee-a buloukhaio.”