MARK 10:30 - SHEEYU BAIBEL (BSI)

³⁰ maihrü haina hinou alaosou koua ngaolai. Puhnou zha kaihli koua ki, thaihou jüraimai, tumai, pfümai, nahmai ea teidei alia souvea souhoyu-a koa ngaolai; alia vere maihrü nahisü puhnou teisa ahri ngaolai.

MARK 10:30 Iomraidhean Croise

2 PUOPAOKO 25:9

Amaziah nou rachipaolawo hisü noue, “Ana Enou Israel mai hi peikhai touyu shahu taosü daipha soulai?” Rachipaolawo nou haibüa chila peie, “Mapao nou neye sü süjünou pou-a peipu lousüe.”

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

TSÜCHITAO 16:16

Ratsü ngaolouyu nanou sana ngaolouyu najünou veipu hie, shahu ngaolai jüwo tsüsü nanou dolo.

MALAKAI 3:10

Ramai vei zhatao chekho-a pojü khaiyu ki hisü povekhaio, sükulouzü aki hi touso na bushulai, alia süthai Enou neletao donou tea raki kikhu sü houlai mosa ae shihra sü lakou peilai mosa touyu neletao nou ahi zhukhai-o, teanou hrülai pei hi Mapao nou paoe.

MATHIU 12:32

Alia maitalinou Mai Nahpoutuye paoshiyuwo khaipeilai; ana Rako Mashiye paoshiyu maitaliye chu hrü haina hi-a, vere teisa hrü sünahi-a khaipei laimoe.

MATHIU 13:8

Ana thoutai kamaiwo louzü dei avei buh hi deloure, alia sütaosü shi shiloua kamainou shi kaih, kamainou rairou ea kukhenou shirou shiloure.”

MATHIU 6:33

Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

LUK NOU RÜYU KO AVEIBVÜ 18:30

puhnou chu hria buyu teile hi-a zha alaosou koua ea vere teile hi-a teisa ahrisü ngaolai.”

JOHAN 10:23

Teile sükisü saikie, alia Jisu nou Rathokihi, Solomon kipamü tea kuyu süna hinou takou takhe-a bue.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

SEI-ATAMAI VAHTAO 16:25

Ana kheitsüle pha hinou Paul ea Sailas nou veachi pao-a Ramai hi lousou sho-a bue ea kukhe hukha hi bumaitao nou puhai paisü kei-a bue.

SEI-ATAMAI VAHTAO 5:41

Süthaisü puletao nou zhih süna vanou ahrao ngaozüe touyu sü Ramai nou choloure tea sasa-a tsümeye thaowu-a tare.

ROMMAI 5:3

Süthe baimoe, ana Ehnou Ehvei veahoyu hia lesawe, daiolouzü veahoyu nou shameayu povewe,

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

2 KORINTHMAI 6:10

le souvea peiwukhaia, Ehsü teisanou le sawe; Ehhai toure hayu bükhaia, mai taoliye Ehnou southou hanipeie; halia hayu büa bukhaia Ehsü ha teitei buchewe.

PHILIPPIMAI 3:8

Chechenou na sütao likhei baimoe, ana muhtei koushoyu A Mapao Khrista Jisu vei tsü süna donou Enou ha teitei hai halia kokhaimoe tea choloure, puhye donou Enou ha teiteisü polaiwure; Enou Khristaye zhiloure donou sütao teiteisü nghouh büa choloure,

2 THESSALONIMAI 2:16

Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou

1 TIMOTHI 4:8

Daiolouzü pfüphao hilonou soukhoyu hisü muh daotu bue, ana rako hilonou soukhoyu hisü teitei hinou muh alaosou bue, daiolouzü sünanou chu ea thaikhai vei hrünaye donou ahri nasü apaopei khaitoua bue.

1 TIMOTHI 6:6

Ovai, maitalinou puhnou bu-buyu nanou khra-a bulouzü rahrüzhai nanou mai aliye souni peiwe.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

JEMS 5:11

Zhukhaio, puletao nou phasho shamea louyu vanou Eletao nou puletaoye vayumai tea kuwe. Neletao nou Job vei phasho shamea louyu vanou chouloure, alia akhai kisü kabüa Mapaowo nou puhye donou peisa touyu sü neletao nou süwe. Daiolouzü Mapaowo louzü zhuvea ea khu-leshinou phoua bue.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.